IRC Monte Carlo rallið

Fyrsta umferð í IRC fer fram í suður Frakklandi um næstu helgi, nánar tiltekið 19-23 janúar og verður ekið á malbiki í frönsku Ölpunum en rásmark og endamark eru í smáríkinu Mónakó. Miðað við veðurfar í Evrópu síðustu daga þá er mjög líklegt að þessi keppni fari meira og minna fram á ís og snjó. Hafi þessi keppni þótt sterk á síðasta ári þá má sjá enn öflugri lista yfir þátttakendur í ár og má þar nefna að 20 Super 2000 bílar eru skráðir til leiks. Fremstur er meistari síðasta árs, Kris Meeke, og næstur á eftir honum kemur finninn fljúgandi, Mikko Hirvonen, á glænýjum Ford Fiesta Super2000. Þessi keppni er hugsuð sem undirbúningur fyrir Hirvonen fyrir komandi keppnistímabil í WRC og þróun á Fiestunni en hætt er við að stoltið verði nú til staðar og ekkert slegið af. Sigurvegarinn í þessari keppni í fyrra, Sebastien Ogier, mætir aftur til leiks á Peugeot en hætt er við að Skoda muni veita þessum þremur mikla samkeppni en þar er helst að nefna ökumennina Jan Kopecky, Juho Hanninen og Guy Wilks en að auki er þar IRC meistarinn frá árinu 2008 Nicolas Vouilloz sem skipt hefur úr Peugeot yfir í Skoda fyrir þetta keppnistímabil. Ekki má heldur gleyma gamla refnum Toni Gardemeister sem hefur alla burði til að vera meðal efstu manna en hann datt úr þessu ralli í fyrra með rafmagnsbilun þegar hann var í þriðja sæti en hann mætir aftur með Abarth Fiat Grande Punto S2000 frá Astra racing á Ítalíu.

Athygli vekur að að framleiðendur eins og Opel, WV og Proton eru ekki til staðar í þessari keppni en Proton hefur gefið út að þeir séu að vinna að frekari þróun á sínum bíl og mæta þeir ekki til keppni fyrr en í fjórðu umferð sem fer fram á Ítalíu í byrjun júni mánaðar. Ekkert hefur spurst út með þátttöku Opel og WV.

64 Þátttakendur eru skráðir til leiks en þetta eru efstu menn:

1	Kris Meeke	Gb	Peugeot 270 S2000
2	Mikko Hirvonen	Fin	Ford Fiesta S2000
3	Jan Kopecky	Cze	Skoda Fabia S2000
4	Sebastien Ogier	Fra	Peugeot 270 S2000
5	Juho Hanninen	Fin	Skoda Fabia S2000
6	Stephane Sarrazin	Fra	Peugeot 270 S2000
7	Nicolas Vouilloz	Fra	Skoda Fabia S2000
8	Toni Gardemeister	Fin	Abarth Fiat Punto S2000
9	Brono Magalhaes	Prt	Peugeot 270 S2000
10	Guy Wilks	Gb	Skoda Fabia S2000
11	Bryan Bouffier	Fra	Subaru Impreza N15
12	Franz Wittmann	Deu	Peugeot 270 S2000
14	Olivier Marty	Fra	Abarth Fiat Punto S2000
15	Julien Maurin	Fra	Ford Fiesta S2000
16	Jean-Sebastien Vigion	Fra	Peugeot 270 S2000
17	Renaud Poutet	Fra	Abarth Fiat Punto S2000
18	Oliver Burri	Che	Subaru Impreza N15
19	Gabriele Noberasco	Ita	Mitsubishi Lancer EvoX
20	Luca Betti	Ita	Peugeot 270 S2000
21	Daniel Oliveira	Bra	Peugeot 270 S2000
22	Jaroslav Orasak	Cze	Skoda Fabia S2000

Sebastien Ogier vann þessa keppni í fyrra

Athugasemdir

[Steini Palli, 18.1.2010 kl. 17:20]

Úpppsss. Allir þessir Peugeot bílar eru auðvitað Peugeot 207 S2000 en ekki Peugeot 270 !! Týpisk copy/paste vandamál