Rallysport

Raikkonen byrjar feril sinn með látum hjá Citroen en fyrsta keppni hans á Citroen C4 WRC bíl stendur nú yfir í norður finnlandi en þar fer fram Arctic Rally. Raikkonen var með næst besta tíma á fyrstu leið (5,5 sek á eftir Sordo) en á næstu leið ók Raikkonen útaf og lenti á tré. um 15 mínútur töpuðust inná leiðinni en að auki bætast við það 20 mínútur í refsingu þannig að hann er lang síðastur í þessu ralli en Citroen liðið á von á að koma bílnum í samt lag í viðgerðarhléinu.

Svona lítur bíllinn hjá Raikkonen út eftir SS2

Finninn Mikko Hirvonen leiðir Monte Carlo rallið fyrir lokaleiðir rallsins en í dag og nótt verða eknar 5 leiðar og lýkur rallinu því snemma á laugardagsmorgun í Mónakó. Í öðru sæti er landi hans Juho Hänninen en uppí þriðja sætið er kominn frakkinn Sebastien Ogier sem átti fyrna góðan dag í gær og vann sig upp um mörg sæti en meðal þeirra sem hann vann sig upp fyrir er landi hans og fyrrum IRC meistari Nicolas Vouilloz sem hefur samt verið að keyra áfallalaust fram að þessu og heldur hann fjórða sætinu. Fimmti er Stephane Sarrazin og á hann langt í næsta mann en hann verður að hafa varann á sér því framundan er hörku slagur á milli austurríkismannsins Franz Wittmann og bretans Guy Wilks um sjötta sætið en einungis munar þar 13,5 sekúndum en lengi framan af var Wittmann með gott forskot á Wilks.

Staðan fyrir lokadaginn:

1 Mikko Hirvonen/Jarmo Lehtinen                  Ford Fiesta S2000    3h12m44.0s
2 Juho Hanninen/Mikko Markkula                   Skoda Fabia S2000          +47.7s
3 Sebastien Ogier/Julien Ingrassia                Peugeot 207 S2000     +1m10.3s
4 Nicolas Vouilloz/Benjamin Veillas                Skoda Fabia S2000      +1m34.3s
5 Stephane Sarrazin/Jacques Julien Renucci Peugeot 207 S2000     +6m06.0s
6 Franz Wittmann/Klaus Wicha                      Peugeot 207 S2000    +6m53.8s
7 Guy Wilks/Phil Pugh                                    Skoda Fabia S2000     +7m07.3s
8 Bruno Magalhaes/Carlos Magalhaes           Peugeot 207 S2000    +7m12.8s
9 Jan Kopecky/Petr Stary                               Skoda Fabia S2000     +7m24.4s

Kris Meeke, meistari síðasta árs, ók útaf á fyrstu leið gærdagsins.

Fyrsta umferð í IRC fer fram í suður Frakklandi um næstu helgi, nánar tiltekið 19-23 janúar og verður ekið á malbiki í frönsku Ölpunum en rásmark og endamark eru í smáríkinu Mónakó. Miðað við veðurfar í Evrópu síðustu daga þá er mjög líklegt að þessi keppni fari meira og minna fram á ís og snjó. Hafi þessi keppni þótt sterk á síðasta ári þá má sjá enn öflugri lista yfir þátttakendur í ár og má þar nefna að 20 Super 2000 bílar eru skráðir til leiks. Fremstur er meistari síðasta árs, Kris Meeke, og næstur á eftir honum kemur finninn fljúgandi, Mikko Hirvonen, á glænýjum Ford Fiesta Super2000. Þessi keppni er hugsuð sem undirbúningur fyrir Hirvonen fyrir komandi keppnistímabil í WRC og þróun á Fiestunni en hætt er við að stoltið verði nú til staðar og ekkert slegið af. Sigurvegarinn í þessari keppni í fyrra, Sebastien Ogier, mætir aftur til leiks á Peugeot en hætt er við að Skoda muni veita þessum þremur mikla samkeppni en þar er helst að nefna ökumennina Jan Kopecky, Juho Hanninen og Guy Wilks en að auki er þar IRC meistarinn frá árinu 2008 Nicolas Vouilloz sem skipt hefur úr Peugeot yfir í Skoda fyrir þetta keppnistímabil. Ekki má heldur gleyma gamla refnum Toni Gardemeister sem hefur alla burði til að vera meðal efstu manna en hann datt úr þessu ralli í fyrra með rafmagnsbilun þegar hann var í þriðja sæti en hann mætir aftur með Abarth Fiat Grande Punto S2000 frá Astra racing á Ítalíu.

Athygli vekur að að framleiðendur eins og Opel, WV og Proton eru ekki til staðar í þessari keppni en Proton hefur gefið út að þeir séu að vinna að frekari þróun á sínum bíl og mæta þeir ekki til keppni fyrr en í fjórðu umferð sem fer fram á Ítalíu í byrjun júni mánaðar. Ekkert hefur spurst út með þátttöku Opel og WV.

64 Þátttakendur eru skráðir til leiks en þetta eru efstu menn:

Sebastien Ogier vann þessa keppni í fyrra

Þá hefur verið staðfest sögusögn sem er búinn að vera í gangi síðustu mánuði um að bandaríkjamaðurinn Ken Block væri komast á spjöld sögunar með þátttöku sinni í WRC. Verður hann fyrsti bandaríkjamaðurinn til að taka þátt fyrir alvöru í toppslag heimsmeistarkeppninar í 38 ára sögu keppninar en hann er búinn að gera 2ja ára samning um þátttöku sína í WRC! Þetta er gert með stuðningi frá orkudrykkjarframleiðandanum Monster og Ford ásamt fyrirtæki Block´s sem er hjólabrettamerkið DC shoes. Til ráðstöfunar hefur hann Ford Focus WRC sem gerður verður út af M-sport. Uppi eru sögusagnir um að ástralinn snjalli Cris Atkinson, sem keyrði fyrir verksmiðjulið Subaru í nokkur ár, muni verða liðsfélagi hans hjá þessu nýja liði en það er enn ekki staðfest

Jafnframt mun Ken Block taka þátt í Amerísku meistarkeppninni í ár og X- games sem fram fara í Los Angeles síðar á árinu. Þar mun hann keppa á Ford Fiesta sem sænska mótorsport fyrirtækið Olsberg smíðar og rekur fyrir keppnisliðið.

Ken Block á fullri ferð á Subaru í Rally Ameríka á síðasta ári