Stór dagur

19. febrúar 2008 er merkilegur dagur fyrir margar sakir.

Stærsta fréttin er tilkynning um að Kristján Einar Kristjánsson hafi landað samningi við hið virta Carlin keppnisliðið í Formulu 3 keppninni og þori ég að fullyrða að enginn Íslendingur hefur náð þetta langt í akstursíþróttum áður og er þetta sagt með fullri virðingu fyrir Viktori Þór og öðrum sem eru að spreyta sig á þessu sviði. Að sjálfsögðu óskar maður honum alls hins besta og meigi þetta vera einungis fyrsta skrefið af mörgum fyrir þennan mjög svo geðþekka pilt. Er þessi árangur vonandi mikil hvattning fyrir þá sem standa að baki honum og aldrei að vita nema þetta verði til þess að íslenskar akstursíþróttir hætti að vera skuggasport sem íþróttadeildir fjölmiðlana vilji helst ekki vita af.

 Önnur frétt er sú að Daníel Sigurðsson og Ísak Guðjónsson sitja í núna í flugvél á leið til Bretlands en þeir taka þátt í rallkeppni þar um næstu helgi. Meira um það síðar ........

Og svo skemmir ekki að þetta er afmælisdagurinn minn .

Athugasemdir

[Steina og co (IP-tala skráð) 19.2.2008 kl. 12:03]

Til hamingju með daginn gamli !

og til hamingju með síðuna

kveðja Steina