10 leiðir búnar og okkar menn út.

Nú er 10 leiðum lokið og ljóst að Danni og Ísak eru út eftir fanta góðan akstur fram að þessu. Þeir hafa verið að tapa tíma á síðustu leiðum og nú er staðfest að þeirra ralli er lokið þar sem kúpling bílsins er búinn og enginn séns á að klára síðustu 2 leiðarnar, sem er synd og skömm eftir gríðarlega góðan akstur þeirra félaga á fyrstu leiðum þessa ralls og næsta víst að að þeir sem fylgjast með ralli í Bretlandi vita núna hver Daníel Sigurðsson er og hvað hann getur. Hafið í huga að hraði hans á þessum bíl á bara eftir að aukast og verður því afar áhugavert að sjá hvernig næsta keppni verður.

Spurning hvort að allir speglar og aðrir aukahlutir séu enn á bílnum og hvort hann sé nú ekki farinn aðeins að vera "Dannalegur". Svo er bara að fá sér einn kaldan og segja hetjusögur frá norðurheimsskautinu, laga fjandans kúplinguna og mæta í næstu keppni.

Þessi mynd er frá Rally Sunseeker í fyrra.

Athugasemdir

[Joi V (IP-tala skráð) 23.2.2008 kl. 16:26]

Taka þetta næst

kv: JVG

ps: á ekki að fara í rall Steini?

[Steini Palli, 25.2.2008 kl. 10:51]

Sæll Jói,

Nei, ég er ekki að fara að ralla á næstunni en fyrst Dali er orðin sjötugur og ekkert að hætta þá er ljóst að ég á mörg ár eftir í viðbót áður en ég þarf að fara að hugsa um að hætta.

[Akstursíþróttakappinn Daníel Sigurðarson, 25.2.2008 kl. 23:54]

Sæll Steini - sorrý þögnina um helgina. Ég komst bara ekki yfir meira en að keppa og grenja ;)

Annars skemmtilega sagt frá okkur ef frá er talinn livetoloose tilvitnunin þín - hehe.

En bíllinn er eins og nýr og vel flestir hlutir enþá hangandi utan á kagganum (enda ætluðum við að létta hann fyrir leið 12 og 13 þar sem til stóð að skilja bretana eftir) en þangað komumst við aldrei.

Reyndar fullyrðir Ísak að EF það væru speglar af eðlilegri stærð á níunni þá væru þeir brotnir af - svo nærri póstum og trjám fórum við víst að hans sögn :)

 Kveðja / DS

[gudni.is, 28.2.2008 kl. 16:33]

Er hann Ísak vinur okkar ekki með eitthvað kunnuglegt (Bjór) í vintri hendinni þarna ásamt vasaljósinu á myndinni...?? 

[Akstursíþróttakappinn Daníel Sigurðarson, 29.2.2008 kl. 13:02]

Nauts - hann er eins og alþjóð veit bindindisisismaður fram í fingurgóma.. Hann er eflaust í annálaðri góðmennsku sinni að geyma hann fyrir einhverja fótboltabullu! :I)

DS

[Steini Palli, 29.2.2008 kl. 13:07]

Það er rétt Danni, ég held að þetta sé enn eitt dæmið um hvað Ísak er tilbúinn að fórna sér mikið fyrir þá sem eru minnimáttar og hefði farið betur ef bullan hefði verið á myndinni  

Kv. Rocky