Óþekkt vandamál

Vandræði Petter Solberg í rally Mexíkó voru af þeim meiði að það var ekkert sem hann eða Subaru liðið gátu gert fyrirfram til að leysa þau. Á fyrstu leið brotnaði bremsudæla hægra meginn að aftan og þegar Subaru liðið bar þetta undir AP racing, sem skaffar þeim bremsubúnaðinn, þá hafa þeir aldrei séð svona bilun áður á þeim 25 árum sem þeir hafa starfað. Svo á öðrum degi brotnaði öxull í Imprezuni en Subaru liðið hefur ekki lent áður í því brjóta þá gerð af öxli sem var í bílnum þrátt fyrir að hafa notað þessa gerð í langan tíma.

Þess má geta að Petter Solberg var með besta tímann í shakedown og eins á fyrstu fjórum millitímunum á fyrstu leið þar eða þar til bremsudælan brotnaði og hann varð að draga úr hraðanum.