RBS Manx rally

Nú eru Danni og Ísak komnir út á eyjuna Mön sem staðsett er í Írlandshafi þ.e. í sundinu á milli Írlands og Bretlands og eru þeir þar til að taka þátt í einu erfiðasta malbiksralli sem til er í heiminum! Er þetta rall þekkt fyrir einstaklega erfiðar leiðar sem eru mjög hlikkjóttar, þröngar, ójafnar, með stöðugt breytanlegu malbiki, litlum lækjum, mjög hröðum köflum, óútreiknanlegu veðri (það getur verið sitthvort veðrið í upphafi leiðar og lok leiðar) og því einu orði erfiðar leiðar sem bíða þeirra.

Þetta verður þeirra fyrst alvöru malbiksrall þannig að ekki ráðast þeir á garðinn þar sem hann er lægstur heldur er stokkið beint út í djúpulaugina (þar sem hún er allra dýpst) og verður það verðugt verkefni að reyna að klára þessa keppni og alls ekki auðvelt að ná árangri á þessum framandi slóðum. Kannski hefur Steingrímur Ingason getað gaukað að þeim einhverjum góðum ráðum en hann er að ég held eini Íslendingurinn sem tekið hefur þátt í þessu ralli áður en hann keppti árið 1991 á Opel Corsa Gr.A með 1600 vél og var hann í nokkuð góðri stöðu þar til að einn af víðfrægum veggjum þessarar keppni fór að þvælast fyrir bílnum og lauk keppni Steingríms þar á staðnum með skemmdan stýrisbúnað.

Þeir Danni og Ísak eru með rásnúmer 41 og eru í aftari hluta rásraðarinar og sem dæmi þá er David Bogie sem er viðmiðið með rásnúmer 18!

Með rásnúmer 1 verður goðsögnin Kenny McKinnstry en hann hefur unnið þessa keppni oftar en nokkur annar eða alls 5 sinnum og kemur hann til með að reyna við 6. sigur sinn. Vert er að geta þessu sem ekki vita að Kenny McKinstry er ekkert skildur Steina McKinnstry sem við þekkjum enda eflaust aldrei stigið heldur uppí Tomcat...... að auki er enn áhugaverðara að geta þess að Kenny McKinstry er rétt við sextugs aldurinn en sýnir það að menn geta verið lengi í þessu sporti ef hugurinn stendur til þess. Spurning hvort að ekki verð ýtt við Jóni Ragnars til að koma og keyra sjálfur í einhverjum sérvöldum keppnum hérna heima þó ekki væri nema til að skemmta sér og Ísaki.....

Athugasemdir

[Ægir Ármannsson (IP-tala skráð) 8.5.2008 kl. 14:18]

Sælir

Þess má geta að við Steingrímur Inga kepptum í Madeira ralli sem er mjög svipað og Mön bara flatara, þetta er gríðarlega erfitt fyrir ökumenn og bíla.

Það erfiðasta við svona röll er stöðugur barningur á ökumenn vegna hreyfinga bílsinns þar sem keppt er á slikkum og það er gríðarlegt grip, sem sagt mjög erfitt eg myndi ráðleggja mönnum að fara af stað af öryggi og keyra sig svo inní fullann hraða þegar menn eru farnir að venjast aðstæðum og því hvernig græjan hagar sér.

Svo gangi ykkur vel.

[Steini Palli, 8.5.2008 kl. 14:40]

Sæll Ægir,

varst þú ekki með Steingrími í þessari Madeira keppni um árið?? Það væri gaman að setjast niður með þér og henda saman stuttri sögu af því og látta einhverjar myndir fylgja því.

Á svo ekkert að keppa meira ?? Við þessum gömlu verðum aldrei of gamlir. Sjáðu bara Kenny McKenstry

kv. Steini palli

[Steini Palli, 8.5.2008 kl. 14:43]

Bara spurning um að slá aðeins hægar inn. Þetta átti auðvitað að vera McKinstry !!!

Rocky

[Guðmundur Orri McKinstry (IP-tala skráð) 8.5.2008 kl. 19:47]

Vert er að geta þessu sem ekki vita að Kenny McKinstry er ekkert skildur Steina McKinnstry sem við þekkjum enda eflaust aldrei stigið heldur uppí Tomcat......

Er ekki bara málið að fá hann þá til að máta Tomcat og keppa í RR200-?

Best að fá kallinn til að senda honum línu.

Takk annars fyrir skemmtilega síðu.

kv

Gummi McKinstry

[Steingrímur Ingason (IP-tala skráð) 9.5.2008 kl. 00:40]

Hæ, og góða kvöldið

 Ég datt hér inn fyrir algera tilvilujun og frábært að sjá að þeir félagar eru úti á Mön.  Þetta er meiriháttar krefjandi rall, mjög hraðar leiðir en þröngar og ójafnar.  Svo eru margar þeirra mjög lokaðar og í rauninni er þetta eins og í tölvuleik, vegurinn opnast bara jafn óðum og leiðarnóturnar ráða algerlega.

 Og afþví að minnst er á Madeira sem við Ægir fórum í sælla minninga og erum stoltir af, þá má misskilja Ægi með samanburðinn á þessum röllum.  Það er Mön sem er hröð og flöt, en Madeira mjög hæg og hlikkjótt.  Sennilega er yfir 30km meðalhraða munur í þessum röllum á stóru bílunum.  Veit þó ekki hverning þetta er í dag á Mön, en þeir voru mikið með rúllubagga á gatnamótum til að lækka meðalhraðann. 

Á Madeira var á einni leið farið úr 700 m hæð yfir sjárfarmáli, upp í 1400 og niður í 750 á rúmum átta mínútum. 

 Þarna horfir maður af vegbrúninni niður í þokuna og veit ekki hvað er langt niður......og þarna mega hjálmar vera eins gamlir og menn kjósa...."they will be out of date anyway when you reach the bottom"

 Og nú er ég búinn að tala meira um rall í kvöld en síðustu nokkur árin og og sendi þeim baráttu kveðjur út á Mön.

Bestu kveðjur

 Steingrímur Inga

 PS. Ægir, ættum við ekki að stefna á Madeira fljólega aftur.......?  allavega golfvöllinn.  Ég er búinn að fara þarna tvisvar sem ferðamaður og þarna er frábært að vera....!  En með vegina, þá er allur sjarmur farinn......þeir lönduðu þarna á kostnað EU svona risabor eins og var fyrir austan, og hann gat ekkert gert annað en hringsólað um eyjuna og þessi risa klettur er nú eins og íslenskur ostur.   

[Ægir Ármannsson (IP-tala skráð) 9.5.2008 kl. 09:01]

Sælir aftur sveinar.

Já eg sé að .ap má misskilja mig um þetta og biðst eg afsökunar á því.

Skelfilegt að heyra að Madeira sé orðin einsog svissneskur ostur þetta voru frábærar leiðar til að keppa á en erfitt var það lagsmaður.

Væri ekki málið að kíkja á svona eitt rall í sumar á góðri græju ? og sýna þessum strákum hvernig á að gera þetta

En gamað að heyra fr´aþér karlinn hvar ertu staddur á landinu þessa daganna.

KK

Æ