Tyrkland - Hirvonen vinnur

Um helgina fór fram Tyrklandsrallið en eftir mikla taktík á föstudeginum voru það Ford liðið sem hafði betur og voru það Hirvonen og Latvala sem enduðu í 1. og 2.  sæti en Loeb varð að gera sér þriðja sætið að góðu eftir að hafa verið í því að hreinsa lausa mölina af veginum fyrir aðra keppendur þar sem var ræstur fyrstur. Það er því Hirvonen sem leiðir heimsmeistarakeppnina með 3 stigum þegar WRC fer í sitt sumarfrí en næsta keppni er eftir 6 vikur í Finlandi.

Sordo hafði 4. sætið af Henning Solberg á sunnudeginum með miklum tilþrifum og Petter Solberg endaði í 6. sæti. Unglingurinn Matthew Wilson krækti sér svo í 7. sætið en hann ekur einum af mörgum Ford Focus bílum sem M-sport gerir út en það er pabbi hans sem er liðstjóri þar á bæ.

Andreas Aigner tryggði sér sinn þriðja sigur í röð í P-WRC og hefur með því tekið örugga forystu í sínum flokki með þessum góða árangri en nú reynir á Jari Ketomaa að ná góðum árangri í Finlandi þar sem Aigner hvílir í þeirri keppni og hafa aðrir keppendur tækifæri á að sækja að honum á meðan.

Svona var lokastaðan:

 

1.	3	Mikko HIRVONEN	4:42:07.1	0.0	0.0
2.	4	Jari Matti LATVALA	4:42:15.0	+7.9	+7.9
3.	1	Sebastien LOEB	4:42:32.8	+17.8	+25.7
4.	2	Dani SORDO	4:44:32.7	+1:59.9	+2:25.6
5.	8	Henning SOLBERG	4:44:40.8	+8.1	+2:33.7
6.	5	Petter SOLBERG	4:44:55.3	+14.5	+2:48.2
7.	16	Matthew WILSON	4:46:31.3	+1:36.0	+4:24.2
8.	14	Conrad RAUTENBACH	4:49:53.8	+3:22.5	+7:46.7

Aigner og Mitsubishi leiða P-WRC keppnina