Kominn til baka úr sumarfríi :-)

Vá þetta er strax betra.

Ég fór í sumarfrí í 2 vikur og reiknaði með að geta hent hérna inn einhverjum línum á meðan en þannig fór það nú ekki allveg þannig - en hvað hefur gerst á þessum 2 vikum.....

Jú, Jón Bjarni og Borgar gerðu það sem virtist ætla að verða þeim ómögulegt þ.e. að vinna rall keppni. Eftir að hafa verið að þefa að fyrsta sætinu núna í 2 ár þá kom loksins að því að þeir næðu að klára þetta og það með sóma. Í öðru sæti enduðu Sigurður Bragi og Ísak eftir nokkuð jafnan og góðan akstur og þriðju enduðu Pétur og Heimir en þeir hafa nokkuð trausta forystu í Íslandsmótinu eftir þessar fyrstu þrjár umferðir. Valdi og Ingi skiluðu sér í fjórða sæti og eftir því sem ég hef heyrt virðist Valdi að vera keyra mun betur í ár en í fyrra og að þarna sé efnilegur ökumaður á ferð. Marri hafði Ástu systir sína með þetta skiptið og þrátt fyrir myndarlegan útafakstur þá enduðu þau í fimmta sæti en það var einungis eftir að Páll og Aðalsteinn fengu dæmda á sig 1 mínútu í refsingu fyrir þjófstart sem færði þá þar af leiðandi í sjötta sæti.

Kjartan og Óli Þór höfðu sigur í eindrifsflokki en með þessum árangri tóku þeir einnig forystuna í 1600 flokki og 2000 flokki í Íslandsmótinu, ekki slæmur árangur það...  Enginn jeppi tók þátt í þessari keppni að þessu sinni og vonandi verður breyting þar á.

Kjartan og Óli Þór að nota allan veginn.....

Athugasemdir

[Heimir og Halldór Jónssynir, 22.7.2008 kl. 15:13]

Velkomin úr fríi gamli,á ekki að mæta norður um helgina?.

[Steini Palli, 22.7.2008 kl. 15:54]

Takk fyrir það Dóri, nei ég verð ekki fyrir norðan en ætla samt að reyna að fylgjast með. Ef þú verður fyrir norðan máttu gjarnan láta mig vita hvað er að gerast þannig að ég geti komið því strax á netið en þetta á auðvitað um alla sem eru fyrir norðan  - muna að hringja inn helstu fréttir jafnóðum og hlutirnir gerast.

kv Steini Palli

p.s Ertu þú ekki annars líka í fríi?

[Óli Þór (IP-tala skráð) 23.7.2008 kl. 23:33]

Hva, þetta var nú einu sinni áhorfenda leið

 En þetta var H4 beygja kreppist í H2, nema við höfðum bara einu sinni farið yfir þessa leið til að nótera, en fórum ekki yfir að prufa, klaufinn ég var eitthvað seinn fyrir að segja "kreppist í H2" og ekki bætti úr skák að Kjartan var klofinn vegna þess að hann hafði nánast stoppað stuttu áður vegna þess að hann ruglaðist sjálfur fyrr á leiðinni

 En við náðum 5 sek af keppinautunum á þessari stuttu leið, og vorum þarmeð jafnir uppá sekúndu við Óla Inga og Sigga í hádegishléinu.

En svo fékk bensínfóturinn makleg málagjöld og því fór sem fór.

[Steini Palli, 24.7.2008 kl. 09:08]

Já það rétt hjá ykkur Óli, láta Þessa áhorfendur hafa eitthvað til að horfa á!

Ég væri nú reyndar allveg til í að sjá hvernig Kjartan var "klofinn" og það ekki inní stærri bíl en þetta