Subaru með 2 lið í WRC 2009

Subaru hefur tilkynnt að það verði með 2 lið í heimsmeistarakeppninni á næsta ári og feta þeir því spor Ford sem hefur verið með 2 lið síðustu ár. Hið nýja lið ber heitið ADAPTA world rally team en það eru norskir fjárfestar sem standa að baki þessu liði og mun það taka þátt í allvega 10 keppnum á næsta ári með möguleika á fjölgun ef aukið fjármagn fæst í verkefnið. Liðið mun gera út tvo Impreza WRC08 bíla en aðeins annar ökumaðurinn er þegar staðfestur en það er hinn tvítugi Mads Ostberg sem mun keyra annan bílinn en þessi ungi ökumaður er núverandi Noregsmeistari. Nokkur nöfn eru nefnd sem möguleiki á seinni bílinn en þar virðist sem nafn Hennings Solberg (bróður Petter Solbergs) sé nefnt alloft en einnig hefur nafn hins unga Andreas Mikkelsen verið nefnt en þykir samt ólíklegt.

 Mynd: Mads Ostberg - keppir fyrir Subaru lið á næsta ári.

Athugasemdir

[Akstursíþróttakappinn Daníel Sigurðarson, 14.9.2008 kl. 18:56]

hvað með Guy Wilks?

Hann er á fullu að safna pening til að ná í WRC á súbarú á næsta ári - Væri gaman að sjá hann keyra þarna en hann er orðin mikill yfirburðamaður í Bretlandi ef Mark Higgins er undanskilinn.

Mér reyndar persónulega leiðist hann alveg óskaplega, uppfullur af sjálfum sér og alltaf með ákúrur á bílana sína og uppsetningar. En hann hefur náð langt á þessu og gæti náð enn lengra.  

DS

[Steini Palli, 15.9.2008 kl. 09:07]

Ef ég hef skilið rétt þá er hann að reyna við bíl nr. 3 hjá Prodrive þ.e. ekur í sama liði og Petter Solberg og Chris Atkinson því þá er hann með program uppá allar keppnirnar á næsta ári en ekki bara 10 eins og Adapta liðið stefnir á. Annars er það rétt hjá þér, hann og Mark Higgins eru í algjörum sérflokki í Bretlandi hvernig sem persónuleiki hans er.