Loeb eykur forystuna

Nú er hádegishlé í Noregi og eru allir bílarnir á þjónustusvæði og verið að fara yfir þá eftir átök morgunsins en eftir hádegið verða eknar fjórar leiðar til viðbótar, þær sömu og voru eknar í morgun.

Loeb og Hirvonen virðast vera í algjörum sérflokki og er haft eftir öðrum ökumönnum að þeir hljóti að verða búnir með heppniskammtinn sinn enda förin eftir þessa tvo í snjóbökkunum þannig að ljóst er að þeir eru að keyra FULLA ferð. Sú taktíska ákvörðun sem Hirvonen og Ford liðið tók í gær um að hægja aðeins á sér til að Hirvonen yrði annar bíll á veginum í dag hefur ekki skilað sér þar sem Loeb hefur náð að auka forystu sína en hafa ber í huga að aðstæður verða öðruvísi síðar í dag þegar keppendur keyra sömuleiðarnar og voru eknar í morgun aftur og gæti það reynst dýrmæt fyriri Hirvonen þá að vera ekki fyrstur. Latvala og Sordo halda báðir sinni stöðu en fyrir aftan þá hefur verið hörkuslagur á milli þriggja ökumanna en það eru Solberg bræðurnir og svo svíinn knái Anderson en hann féll úr leik á þriðju leið dagsins með bilaða kúplingu en hann var þá búinn að vinna sig upp í fimmta sætið þegar það gerðist. Önnur stór breyting á topp 10 listanum er sú að Sebastien Ogier (Citroen) féll niður um nokkur sæti þegar hann lenti í einhverjum vélarvandræðum en hann er samt enn inní keppninni.

Í P-WRC er það enn Patrik Sandell frá Svíþjóð sem leiðir en hann ekur Skoda Fabia S2000 bíl en heimamaður Eyvind Brynildsen (Mitsubishi) hefur verið að aka hraðast í morgun og er hann búinn að vinna sig uppí annnað sætið í P-WRC en þriðji er enn búlgarinn Martin Prokop á Mitsubishi.

Staðan eftir 13. sérleið

1.	Sebastien LOEB	Citroen C4 WRC08	1:47:12.4	0.0
2.	Mikko HIRVONEN	Ford Focus WRC08	1:47:23.1	+10.7
3.	Jari-Matti LATVALA	Ford Focus WRC08	1:48:02.3	+49.9
4.	Dani SORDO	Citroen C4 WRC08	1:49:39.2	+2:26.8
5.	Henning SOLBERG	Ford Focus WRC08	1:49:51.4	+2:39.0
6.	Petter SOLBERG	Citroen Xsara WRC06	1:50:13.5	+3:01.1
7.	Matthew WILSON	Ford Focus WRC08	1:51:10.5	+3:58.1
8.	Urmo AAVA	Ford Focus WRC08	1:51:57.4	+4:45.0
9.	Mads ØSTBERG	Subaru Impreza WRC08	1:53:12.2	+5:59.8
10.	Conrad RAUTENBACH	Citroen C4 WRC08	1:53:55.2	+6:42.8

 

P-G Anderson fellur úr leik með bilaða kúplingu eftir mjög góðan akstur

Athugasemdir

[Halldór Gunnar (IP-tala skráð) 14.2.2009 kl. 18:51]

Virkilega skemmtilegar fréttir hjá þér Steini um wrc. Kíki reglulega hér inn.

 Kveðja / Dóri

[Heimir Snær Jónsson, 14.2.2009 kl. 19:32]

Sammála flottar umfjallinar um erlenda rallið.. morgundagurin verður rosalegur hjá Loeb og Hirvonen svakaleg barátta hjá þeim.

kv. Heimir Snær 

[Steini Palli, 15.2.2009 kl. 10:52]

Takk fyrir þetta strákar. Gott að einhverjir fleiri en ég skuli hafa gaman af þessu