Loeb sigrar Norska rallið

Sebastian Loeb (Citroen) sigrar Norska rallið eftir hörkuslag við Mikko Hirvonen (Ford) en þessi slagur hefur staðið yfir síðustu þrjá daga og hafa þessir skiptst á að taka bestu tíma á sérleiðum og þegar upp er staðið munar einungis 9,8 sekúndum. Þetta rall er samt sérstakt fyrir þær sakir að langt er síðan við höfum haft svona marga ökumenn sem hafa sigrað sérleiðar en það eru alls sex ökumenn sem hafa sigrað sérleiðar þessa helgina. Næstu menn eru Jari-Matti Latvala og Henning Solberg en báðir aka þeir Ford bílum. Fimmti varð Dani Sordo (Citroen) og í sjötta sæti varð heimamaðurinn Petter Solberg á Citroen Xsara en næstur á eftir honum varð Matthew Wilson (Ford) og í síðasta stigasætinu fyrir ökumenn er Urmo Aava sem ekur Ford bíl. Conrad Rautenbach og Evgeny Novikov ná í stig fyrir sinn vinnuveitanda og tryggja því Citroen Junior liðinu síðustu 3 stigin.

Patrik Sandel sigrar í P-WRC fyrir Red Bull Skoda liðið en næstur er heimamaðurinn Eyvind Brynildsen sem ekur Mitsubishi og er reynsluboltinn Dennis Giraudet í hægra sætinu hjá honum. Þriðji í P-WRC er svo Martin Prokop en hann keppir í ár bæði í P-WRC og J-WRC!

Lokastaðan í Norska rallinu:

1.	Sebastien LOEB	Citroen C4 WRC08	M	3:28:15.9	0.0
2.	Mikko HIRVONEN	Ford Focus WRC08	M	3:28:25.7	+9.8
3.	Jari-Matti LATVALA	Ford Focus WRC08	M	3:29:37.7	+1:21.8
4.	Henning SOLBERG	Ford Focus WRC08	M	3:31:49.4	+3:33.5
5.	Dani SORDO	Citroen C4 WRC08	M	3:32:07.9	+3:52.0
6.	Petter SOLBERG	Citroen Xsara WRC06		3:34:41.3	+6:25.4
7.	Matthew WILSON	Ford Focus WRC08		3:34:51.5	+6:35.6
8.	Urmo AAVA	Ford Focus WRC08	M	3:35:05.0	+6:49.1
9.	Mads ØSTBERG	Subaru Impreza WRC08		3:38:16.4	+10:00.5
10.	Sebastien OGIER	Citroen C4 WRC08		3:41:05.7	+12:49.8
11.	Conrad RAUTENBACH	Citroen C4 WRC08	M	3:42:44.9	+14:29.0
12.	Evgeny NOVIKOV	Citroen C4 WRC08	M	3:43:36.9	+15:21.0
13.	Patrik SANDELL	Skoda Fabia S2000	P	3:49:43.6	+21:27.7
14.	Eyvind BRYNILDSEN	Mitsubishi Lancer E9	P	3:50:27.7	+22:11.8
15.	Anders GRØNDAL	Subaru Impreza WRC08		3:51:48.0	+23:32.1
16.	Martin PROKOP	Mitsubishi Lancer E9	P	3:52:40.3	+24:24.4

M= Telur til stiga framleiðenda  P= P-WRC

Patrik Sandel sigraði í P-WRC

Ekki skrítið þó ökumenn hafi mikið grip á ísnum með svona dekkjum

Athugasemdir

[Magnús Þórðarson, 15.2.2009 kl. 15:03]

Fer þetta ekki að verða komið gott af "einokun" frá Loeb....allavega finnst mér þetta fyrir löngu vera komið gott. Maður þarf ekkert að fylgjast með stage times lengur, bara að ath. hvort hann hafi nokkuð gert nein mistök....

[Þórður Bragason, 15.2.2009 kl. 21:15]

Loeb má nú eiga það að hann er Schumacker rallsins og rúmlega það jafnvel.

Flott umfjöllun hjá þér Steini en ég má til með að vera með smá leiðindi, Loeb sigraði ekki Norska rallið,  hann keppti ekki einu sinni við það, hann hins vegar sigraði alla sem hann keppti við í því ralli, hann vann hins vegar Norska rallið.  Smá Íslenskukúrs, fríkeypis.  Keep up good job og láttu ekki leiðindanörldrara eins og mig trufla þig.  Á hvaða bíl mætir þú í sumar ???

[Steini Palli, 16.2.2009 kl. 09:40]

Doddi: takk fyrir íslensku kennsluna og mun ekki láta neina "leiðindanöldrara" slá mig út af laginu. Varðandi sumarið, þá verð ég á tjakknum hjá hjá Gumma Höskulds í sem flestum keppnum en fjöldi keppna sem hann mætir í er óráðinn ennþá.