Kýpur rallið

Um næstu helgi verður keppt á eyjunni Kýpur en þar fer fram 3. umferð WRC á þessu ári. Að vanda kemur slagurinn til með verða á milli Ford og Citroen og mun Sebastien Loeb reyna að landa sínum 50. sigri í heimsmeistarakeppninni! Bæði Mikko Hirvonen og Jari-Matti Latvala, hjá Ford liðinu, munu reyna sitt ítrasta til að stöðva Loeb eimreiðina svo að ekki verði bara einstefna í WRC keppninni í ár. Það virðist vera sem að Loeb og Hirvonen séu í sérflokki hvað hraða snertir en Latvala virðist hafa yfirhöndina yfir Dani Sordo hjá Citroen þannig að þessi keppni á að geta lofað góðu fyrir Ford liðið en þeir þurfa á góðum árangri að halda til að minnka bilið í stigakeppni framleiðenda. Fyrir Stobart liðið verða það Henning Solberg og Matthew Wilson sem koma til með að reyna að ná sem flestum stigum en Stobart liðið er átta stigum á undan Citroen Junior liðinu en þar eru það rússinn ungi Evgeny Novikov og svo Conrad Rautenbach sem eru tilnefndir til að skora stig fyrir þá. Einn ökumaður verður alveg óskrifað blað fyrir þessa keppni en það er Petter Solberg á sínum gamla Citreon Xsara WRC bíl en hann mætir nú aðeins betur undirbúinn í þessa keppni heldur í þá síðustu þegar t.d. gallarnir þeirra komu kvöldið fyrir ræsinguna (Íslenska leiðin!) en hann mætir núna með nýja vél sem Citroen lætur honum í té og uppfærða Reiger dempara. Keppnin í verður mjög sérstök en fysti dagurinn verður ekinn á malbiki og næstu tveir dagar á möl. Hafa ber í huga að keppendur meiga einungis keppa á malardekkjum í þessari keppni og verður því fróðlegt að sjá hvernig mönnum gengur á malbikinu á grófmunstruðum malardekkjum!

Þessi keppni telur einnig til P-WRC og J-WRC og má reikna með að Patrik Sandell muni reyna að auka forystu sína í P-WRC eftir sigurinn í Noregi og eins mun Aron Burkhart reyna að auka sína forystu í J-WRC eftir sigur sinn í Írska rallinu. Ég tók eftir einu afar áhugaverðu en það er að Toshi Arai sem hefur lengi verið einn aðal ökumaður Subaru í P-WRC mætir í þessa keppni á Subaru Impreza N12 bíll en það 2007 útgáfa af Imprezunni og bíll sem hefur orð á sér að vera mun áreiðanlegri en nýrri útgafur sem hafa verið óráreiðanlegar til þessa.

35 áhafnir eru skráðar til leiks og þar af eru 12 WRC bílar. Shakedown er í gangi sem stendur og mun ég birta tíma úr því síðar í dag.