Danni í Pirelli International Rally

Þá er það ljóst að Daníel Sigurðsson mætir á EvoX í aðra umferð bresku meistarakeppninar (BRC), Pirelli International Rally en keppnin fer fram um næstu helgi eða daganna 17. og 18. apríl. Þetta verður jafnframt fyrsta keppnin sem hann mætir í á EvoX en bíllinn er nýsmíðaður og hugsaður sem þróunarverkefni þar sem margar nýjungar fyrir EvoX eiga eftir að koma fram. Í þessari keppni mætir Daníel kempum eins og Guy Wilks (Breskur meistari 2007 og 2008) en hann keppir á Proton Satria S2000 bíl í þessari keppni og Mark Higgins (Breskur meistari 1997, 2005 og 2006) á Subaru Impreza en einnig mætir Daníel liðsfélaga sínum, hjá JRM LICO, David Bogie sem keppir einnig á EvoX en báðir bílarnir eru smiðaðir af sama fyrirtækinu og eru þetta fyrstu EvoX bílarnir sem mæta í keppni í Bretlandi. Ekki má gleyma sigurvegarnum úr fyrstu umferð en þar sigraði óvænt Keith Cronin og mætir hann aftur á sínum trausta Evo9. Aðrir sem vert er að nefna eru til dæmis Phillip Morrow sem keppir á Evo 9 og svo Subaru mennirnir Dave Weston Jr. og Richard Cathcart. Allvega er Daníel ásamt sínum aðstoðarökumanni sem er að þessu sinni er Andy Bull með rásnúmer 12 sem þíðir að hann verður nálægt fyrstu mönnum og getur hann því haft betri yfirsýn yfir hvernig honum gengur ásamt því að vera ekki á sundurskornum vegi og því með "sambærilegar" aðstæður og fyrstu menn.  Það verður spennandi að fylgjast með árangri hans í þessari keppni en keppt er í Kielder skóginum sem er mörkum Englands og Skotlands.