Tvöfaldur sigur hjá Citroen liðinu

Loeb vann Argentínu rallið í gær og liðsfélagi hans hjá Citroen, Dani Sordo, varð annar. Með þessum árangri er Loeb kominn með 19 stiga forskot á Sordo og 20 stig á aðal keppinaut sinn, Mikko Hirvonen, hjá Ford liðinu en Hirvonen féll úr leik á laugardaginn með bilaðan mótor í Focusinum. Þessi sigur hjá Citroen liðinu skilar þeim einnig 39 stiga forystu í keppni framleiðenda og verður ekki annað sagt en að það verður þungur róðurinn fyrir Ford liðið að vega þetta upp. Í þriðja sæti varð Henning Solberg en hann og Matthew Wilson eru að skila inn dýrmætum stigum í þessari keppni fyrir Stobart liðið og eins er Federico Villagra að sækja dýrmæt stig fyrir Munchi liðið (væri gaman að vera með Kjörís-liðið í heimsmeistarkeppnini?) en Munchi er Argentínskur ísframleiðandi! Latvala og Ogier ásamt P-WRC ökumanninum Al-Attiyah krækja sér svo í síðustu stigin sem voru í boði fyrir ökumenn. Næsta keppni fer fram á malarvegum Sardeníu og því erfitt verkefni framundan fyrir Ford liðið ef þeir ætla sér að vera í einhverjum titilslag í lok árs.

Lokastaðan í Argentínurallinu:

1.	Sebastien LOEB	Citroen C4 WRC09	3:57:40.3	0.0	0.0
2.	Dani SORDO	Citroen C4 WRC09	3:58:53.4	+1:13.1	+1:13.1
3.	Henning SOLBERG	Ford Focus WRC08	4:01:44.4	+2:51.0	+4:04.1
4.	Federico VILLAGRA	Ford Focus WRC08	4:03:40.0	+1:55.6	+5:59.7
5.	Matthew WILSON	Ford Focus WRC08	4:03:51.2	+11.2	+6:10.9
6.	Jari-Matti LATVALA	Ford Focus WRC09	4:07:30.3	+3:39.1	+9:50.0
7.	Sebastien OGIER	Citroen C4 WRC08	4:18:35.4	+11:05.1	+20:55.1
8.	Nasser AL-ATTIYAH	Subaru Impreza N14	4:20:51.9	+2:16.5	+23:11.6

Nasser Al-Attiyah hafði betur í slagnum um sigur við Marcos Ligato og er þetta fyrsti sigur Al-Attiyah á þessu ári en hann varð heimsmeistari í P-WRC árið 2006. Með þessum sigri færist Al-attiyah uppí annað sætið í stigakeppni P-WRC, einu stigi á eftir Armundo Araujo. Þriðji í þessari keppni varð Toshi Arai frá Japan og er hann annar fyrrverandi meistari í P-WRC en Arai átti í miklum vandræðum með bíl sinn í þessari keppni og því heppinn að hafa klárað þriðji.

 

Lokastaðan í P-WRC:

1.	Nasser AL-ATTIYAH	Subaru Impreza N14	4:20:51.9	0.0	0.0
2.	Marcos LIGATO	Mitsubishi Lancer EvoX	4:23:04.8	+2:12.9	+2:12.9
3.	Toshi ARAI	Subaru Impreza N14	4:27:27.9	+4:23.1	+6:36.0

Athugasemdir

[Halldór Gunnar Jónsson (IP-tala skráð) 27.4.2009 kl. 19:04]

Snilldar fréttir hjá þér Steini um wrc, mjög gaman að koma hérna inn og lesa greinarnar þínar!. Hlakka til að lesa meira...

Kveðja / HGJ.

[Steini Palli, 28.4.2009 kl. 10:45]

Gaman að heyra það Dóri. Vertu ávalt velkominn.

[Steini Palli, 28.4.2009 kl. 13:18]

Sæll Sigurjón. Það ert ekki bara þú sem átt erfitt með horfa á rall því einhvern veginn er það nú svo að ef það er ekki bolti þá er það ekki sýnt í sjónvarpi. Menn hafa meira að segja prófað að setja bolta ofaná topp bíla sinna en dugar ekki til.

Þá er bara að skella sér á kantinn og mæta á fyrsta rall í Íslandsmótinu sem fer fram á Suðurnesjunum þriðju helgina í Maí. Þú getur séð meira um það hér þegar nær dregur.

[jonbi (IP-tala skráð) 28.4.2009 kl. 14:28]

þú segir fréttir Steini... verður rallið á suðurnesjum ertu viss ?

Jónbi

[Boggi (IP-tala skráð) 29.4.2009 kl. 10:57]

Sæll Steini,

Frábært að fá WRC á Íslensku hérna hjá þér takk fyrir það allt saman, Loeb er kominn með það mikla forystu að restin verður ekki mjög spennandi. En það er ekki honum að kenna að vera svona góður, hinir eiga bara ekki séns því miður. Fyrsta rallið verður ekki á Suðurnesjum heldur í nágrenni Þingvalla þann 16 maí, nánar inna Lia spjallinu.

Kv Boggi

[Steini Palli, 29.4.2009 kl. 16:03]

Takk Boggi fyrir upplýsingarnar. Ég var reyndar búinn að reka augun í grein þína en ekki búinn að koma þeim hér inn. Alveg öruggt að þetta er uppskrift á skemmtilegt rall og ætla ég að vera á staðnum til að fylgjast með.