Rally Pólland - 8. umferð WRC

Næsta rall er Rally Pólland en þetta er nýtt rall fyrir keppendum þrátt fyrir fyrir að þetta sé með elstu rallkeppnum Evrópu (aðeins Monte Carlo rallið sem er eldra) en það hefur ekki verið hluti af heimsmeistarakeppninni síðan 1973 en þá var þetta rall hluti af keppni framleiðenda. Leiðarnar í þessu ralli eru hraðar og sendnar og er því líkt við Finnland en án allra stökkanna. Leiðarnar liggja bæði um skóga og akra og eru þær gríðarlega skemmtilegar en ég var svo heppinn að aka sumar af þessum leiðum fyrir 10 árum síðan.

Ford heldur áfram að reyna að stöðva Loeb og Citroen og vonast þeir eftir jafn góðum árangri eins og þeir hafa náð í síðustu tveimur keppnum en í þeim hefur þeim allt í einu tekist að blanda sér aftur í slaginn bæði í keppni ökumanna og framleiðenda eftir að Loeb / Citroen hafa sínt framá að þeir eru bara mannlegir eftir allt saman. Búast má við áframhaldandi baráttu á milli Hirvonen og Loeb og svo er aldrei að vita hvar Latvala og Sordo standa en þeir eru ekki jafn útreiknanlegir eins og hinir tveir. Petter Solberg er líklegur til að vera næstur á eftir þessum fjórum en ekki er ótrúlegt að rússinn ungi Novikov muni blanda sér í slaginn enda er þetta næst því að vera heimarall fyrir hann. Stobart liðið bætir við heimamanni í sínar raðir en það er margfaldur Póllandssmeistari Krzysztof Holowczyc en hann er einmitt frá Olstyn svæðinu þar sem keppnin fer fram en hann verður á Ford Focus WRC08 bíl alveg eins og Henning Solberg og Matthew Wilson. Verður fróðlegt að sjá hvar hann verður í samanburði við hina reglulegu keppendur í WRC en hann hefur unnið þessa keppni þrisvar sinnu. Annar ökumaður sem við höfum ekki séð síðan í fyrra er norðmaðurinn Andreas Mikkelsen en hann mætir að þessu sinni á Skoda Fabia WRC en þetta er sami bíllinn og P-G Anderson notaði í norska rallinu í vetur. Ekki má gleyma að nefna enn einn norðmanninn en það er Mads Östberg sem mætir fyrir Adapta rallýliðið en þeir eru að nota Subaru Impreza WRC08 bíl og hafa verið að sýna góðan hraða þrátt fyrir að hafa ekki getað sýnt það í árangri.

Pólska rallið er einnig umferð í J-WRC og eru 10 bílar skráðir til leiks í þeim flokki en fyrirfram er reiknað með að heimamaðurinn Kosciuszko á Suzuki Swift S1600 sé sigurstranglegastur en Prokop (Citreon C2 S1600) og Bettega (Renault Clio R3) verða fast á hæla hans og má honum ekki verða neitt á.

Alls eru það 55 bílar sem eru skráðir til leiks og af þeim eru 15 WRC bílar en einnig er fjöldi pólskra ökumanna og alveg eins líklegt að fljótustu pólsku ökumennirnir verði alveg við eða innan topp 10 þegar rallinu líkur en flestir eru þeir á Mitsubishi Lancer Evo9.

Hér má sjá skráða keppendur:

http://www.rajdpolski.pl/files/2009_EL[5].pdf

Witek í hægra sætinu hjá Holowczyc fyrir 10 árum síðan.

Witek og ég með Holowczyc á milli okkar.