Loeb veltur út úr Pólska rallinu!

Loeb velti Citroen C4 bíl sínum á síðustu leið (SS4) og er hann hættur keppni þar sem hjólabúnaður er skemmdur en fram að þessum punkti var hann í hörkuslag við Hirvonen. Er þetta annað rallið í röð sem Loeb veltir í og þriðja keppnin sem hann er að tapa stigum á Hirvonen í. Reiknað er með að Loeb nýti sér Superrally reglurnar og mæti aftur á morgun laugardag. Hirvonen leiðir rallið núna en næstur á eftir honum kemur liðsfélagi hans, Latvala, en Citroen heldur þriðja sætinu með Sordo. Rússinn ungi, Novikov, keyrði útaf einnig á fjórðu leið og tapið við það miklum tíma en náði samt að klára leiðina með bílinn mikið skemmdann en aðstoðarökumaður hans hafði þetta um málið að segja " We had a big off over a crest at warp factor five billion ". Áhugaverður slagur er á milli norðmannanna tveggja Mikkelsen og Solberg um fjórða sætið og skemmtilegt að sjá hvernig hann fer en Petter Solberg leiddi rallið eftir fyrstu leið í gærkveldi. Holowczyc er ellefti (ekki slæmt hjá 47 ár gömlum manni) og átti hann best 7. besta tíma á þriðju sérleið í morgun.

Staðan eftir SS4:

1.	Mikko HIRVONEN	Ford Focus WRC09	32:19.5	0.0
2.	Jari Matti LATVALA	Ford Focus WRC09	32:21.9	+2.4
3.	Dani SORDO	Citroen C4 WRC09	32:34.2	+14.7
4.	Andreas MIKKELSEN	Skoda Fabia WRC	32:53.6	+34.1
5.	Petter SOLBERG	Citroen Xsara WRC06	32:59.5	+40.0
6.	Sebastien OGIER	Citroen C4 WRC08	33:11.1	+51.6
7.	Henning SOLBERG	Ford Focus WRC08	33:13.4	+53.9
8.	Matthew WILSON	Ford Focus WRC08	33:18.1	+58.6
9.	Evgeny NOVIKOV	Citroen C4 WRC08	33:18.5	+59.0
10.	Conrad RAUTENBACH	Citroen C4 WRC08	33:34.6	+1:15.1
11.	Krzysztof HOLOWCZYC	Ford Focus WRC08	33:44.5	+1:25.0
12.	Mads OSTBERG	Subaru Impreza WRC08	34:08.8	+1:49.3