Ford stefnir í 1-2 í pólska rallinu

Að loknum öðrum degi rallsins er Mikko Hirvonen enn í forystu og liðsfélagi hans hjá Ford liðinu er annar einungis 12 sekúndum á eftir Hirvonen. Þriðji er Dani Sordo en hann sótti hart að Ford dúettinum í morgun en þegar leiðarnar voru eknar aftur seinni partinn svöruðu Ford mennirnir og því er nánast sama staða á milli þeirra núna eins og var eftir fyrsta daginn. Fjórði er Sebastien Ogier og er hann eini liðsmaður Citroen junior liðsins sem hefur keyrt áfallalaust í dag. Í hörðum slag um fimmta sætið eru bræðurnir Petter Solberg og Henning Solberg og er það Petter sem hefur yfirhöndina en ekki munar nema 1,3 sekúndum á þeim bræðrum. Sjöundi er Matthew Wilson en að honum sækir heimamaðurinn Krzystof Holowcyc en á þeim munar um 25 sekúndum og spennandi slagur þar fram undan. Loeb er í 13. sæti og er við það trygga Citroen liðinu eitt mikilvægt stig og ef fer sem horfir þá mun Citroen leiða Ford með 4 stigum eftir þessa keppni en Hirvonen tekur að öllum líkindum fjögura stiga forskot á Loeb í keppni ökumanna.

Svona er staðan fyrir lokadag keppninar.

1.	Mikko HIRVONEN	Ford Focus WRC09	2:21:45.8	0.0
2.	Jari Matti LATVALA	Ford Focus WRC09	2:21:57.8	+12.0
3.	Dani SORDO	Citroen C4 WRC09	2:22:24.3	+38.5
4.	Sebastien OGIER	Citroen C4 WRC08	2:23:45.1	+1:59.3
5.	Petter SOLBERG	Citroen Xsara WRC06	2:23:52.5	+2:06.7
6.	Henning SOLBERG	Ford Focus WRC08	2:23:53.8	+2:08.0
7.	Matthew WILSON	Ford Focus WRC08	2:25:33.8	+3:48.0
8.	Krzysztof HOLOWCZYC	Ford Focus WRC08	2:25:59.1	+4:13.3
9.	Conrad RAUTENBACH	Citroen C4 WRC08	2:27:11.7	+5:25.9
10.	Mads OSTBERG	Subaru Impreza WRC08	2:28:21.3	+6:35.5