Jón Bjarni og Sæmundur auka forystuna í Íslandsmótinu

Jón Bjarni og Sæmundur unnu á laugardaginn skagafjarðarrallið en ekki munaði nema 1 sekúndu á þeim og Daníel og Þorgerði sem urðu í öðru sæti en þeirra bíll var ekki útbúinn þrengingu svo þau kepptu í flokki X sem telur ekki til stiga í Íslandsmótinu. Sigurður Bragi og Ísak mættu til leiks eftir hlé á lánsbíl, en þeir voru á Evo6 bíl sem Pétur Pétursson á, og tryggðu sér þriðja sætið í þessu 20 ára afmælisralli Bílaklúbbs Skagafjarðar. Sigurvegarar í Jeppaflokki voru bræðurnir Guðmundur Orri og Hörður Darri. Í 2000 flokki voru það einnig bræður sem sigruðu en þar urðu Gunnar Freyr og Jóhannn Hafsteinn hlutskarpastir en það voru svo Halldór og Sigurður Arnar sem unnu 1600 flokkinn. Lokastaða rallsins er hér fyrir neðan en tvær áhafnir er rétt að minnast á að auki en þessar tvær áhafnir sýndu mikla aukningu í hraða miðað við það sem sést hefur en þessar áhafnir eru Ásta / Tinnna og svo Páll / Aðalsteinn þó það sjáist ekki á þeirra sæti í lokinn en þeir töpuðu 28 mínútum á 8. leið en voru fram að því rétt á eftir fyrstu bílum. Rétt er að geta þess að þær stöllur veltu bíl sínum á 6. leið en þó ekki fyrr en þær höfðu farið í gegnum endamarkið og voru með þriðja besta tíma á þessari leið í jeppaflokki! 

Það voru fleiri sem kepptu en alls voru 24 keppendur sem hófu keppni og sáust þar andlit sem ekki hafa sést í sumar og sumir ekki í nokkur ár en þar má nefna Sighvat / Andrés, Hlöðver / Borgar, Valdimar / Ingi og Gunnar / Jóhann en þessir voru misfljótir að ná upp fyrri hraða! Nokkrar nýjar áhafnir tóku einnig þátt í þessu ralli og verður að taka ofan fyrir þeim því mér hefur alltaf fundist Skagafjarðarrall vera eitt það erfiðasta á tímabilinu. 8 bílar mættu til keppni í gr. N , 6 í jeppaflokki, 5 í 1600 flokki, 4 í 2000 flokki og einn í gr.X. Það er ljóst að umgjörð rallsins dró menn að og á Bílaklúbbur Skagafjarðar heiður skilið fyrir uppsetningu og framgang rallsins.

Lokastaða Skagafjarðarrallsins:

#	Ökumenn	Bifreið		Flokkur
1	Jón Bjarni / Sæmundur	MMC Lancer Evo VII	01:22:38	N
2	Daníel / Þorgerður	MMC Lancer Evo V	01:22:39	X
3	Sigurður Bragi / Ísak	MMC Lancer Evo VI	01:24:41	N
4	Fylkir / Elvar	Subaru Impreza STI	01:30:21	N
5	Guðmundur O. / Hörður D.	Land Rover Tomcat 100 RS	01:33:24	J
6	Gunnar Freyr / Jóhann H.	Ford Focus	01:34:22	2000
7	Ásta / Tinna	Jeep Grand Cherokee Orvis	01:35:35	J
8	Sighvatur / Andrés	MMC Pajero Sport	01:36:30	J
9	Gunnlaugur I. / Ingólfur F.	Toyota Hilux	01:37:19	J
10	Heimir S. / Halldór G.	Jeep Cherokee	01:40:23	J
11	Hlöðver / Borgar V.	Toyota Corolla TwinCam	01:41:56	2000
12	Halldór / Sigurður A.	Toyota Corolla TwinCam	01:43:11	1600
13	Marian / Jón Þór	Jeep Cherokee JX, 4,0 L	01:44:35	J
14	Páll / Aðalsteinn	Subaru Impreza WRX STI	02:02:40	N
15	Örn "Dali" / Þorgeir Á.	Trabant  601 L	02:07:06	1600

Valdi og Ingi kláruðu ekki að þessu sinni

Þeir sem ekki kláruðu voru:
Elvar og Kristján, Subaru Legacy, N - Fékk ekki rásheimild vegna öryggisbúnaðar
Sigurður Óskar og Oddur, Toyota Celica GT-4, N - Heddpakkning
Guðmundur og Guðleif, Peugeot 306, 2000 - Bíllinn bleytti sig
Júlíus og Eyjólfur, Honda Civic, 1600  - Öxull
Aðalsteinn og Þórður, MMC Evo6, N  - Keyrðu á stein
Valdimar og Ingi, Subaru Impreza, N  - Kúpling
Magnús og Bragi, Toyota Corolla, 1600  - Beygðu spyrnu
Kristinn og Brimrún, Honda Civic, 1600 - Vél
Hilmar og Stefán, Honda Civic, 2000 - Öxull