Rallysport

30.7.2009 | 15:16

Neste Rally Finnland

Loeb toppaði tímanna í shakedown í morgun en rétt á eftir honum var Petter Solberg á gömlum Citroen Xsara og var því hent fram í erlendum miðlum að Loeb hafi farið lokaferð sína á forhituðum dekkjum til að slá við tíma Solbergs svo að gamall bíll væri nú ekki með besta tímann! Solberg hafði reyndar orð á að vegurinn hafi verið nógu hlykkjóttur til aflmunurinn væri honum ekki eins mikið í óhag og að hann hafi tekið vel á því. Hirvonen og Latvala fóru bara tvær ferðar hvor bara rétt til að athuga hvort ekki væri allt í lagi.

Einn er sá ökumaður sem ég ætla að fylgjast vel með tímum á en það er Subaru ökumaðurinn Jari Ketomaa en hann er að spreita sig í fyrsta skipti á WRC bíl en hann er óhugnalega fljótur á gr. N bílum og er núverandi Finnlandsmeistari í ralli. Annar ökumaður sem vert verður einnig að fylgjast með er heimamaðurinn Rantanen en var í 6. sæti í þessu ralli í fyrra og var valinn maður rallsins þá en hann keppir einnig núna á Ford Focus WRC. Formulu 1 ökumaðurinn Kimi Raikonen keppir í sinni fyrstu WRC keppni núna og ekur hann á sínum eigin Fiat Grande Punto S2000 bíl sem gerður er út af Tommi Makinen racing og verður fróðlegt sjá hvernig gengur en þetta er jafnframt fyrsta keppni hans á möl!

Bæði Ford og Citroen eru búinn að tilkynna þátttöku sína í WRC næstu tvö árin en jafnframt staðfesti Ford að bæði Hirvonen og Latvala muni aka fyrir þá þessi næstu tvö ár. Citroen hefur ekkert gefið út með sína ökumenn.

Tímar úr shakedown í morgun:

1.	Loeb	Citreon C4 WRC	2:02,2
2.	P.Solberg	Citroen Xsara WRC	2:02,6
3.	Sordo	Citreon C4 WRC	2:03,3
4.	Östberg	Subaru Impreza WRC	2:03,4
5.	H.Solberg	Ford Focus WRC	2:03,7
5.	Hirvonen	Ford Focus WRC	2:03,7
7.	Wilson	Ford Focus WRC	2:03,9
8.	Latvala	Ford Focus WRC	2:04,1
9.	Novikov	Citreon C4 WRC	2:04,5
10.	Ketomaa	Subaru Impreza WRC	2:05,2
11.	Ogier	Citreon C4 WRC	2:05,7
12.	Rantanen	Ford Focus WRC	2:06,0
13.	Villagra	Ford Focus WRC	2:06,4
14.	Rautenbach	Citreon C4 WRC	2:07,2
15.	Al Qassimi	Ford Focus WRC	2:08,1