Hirvonen eykur forskot sitt á Loeb

Mikko Hirvonen vann finnska rallið, en því lauk í gær, og er þetta þriðji sigur Hirvonens í röð en alls hefur hann unnið 10 keppnir á ferlinum. Þessi sigur er jafnframt hans fyrsti í finnska rallinu sem er talið eitt það erfiðasta og sem dæmi hafa einungis 4 ökumenn unnið þar sem eru ekki frá Skandinavíu!. Annar varð Sebastian Loeb en hann endaði 25 sekúndum á eftir Hirvonen en Loeb tapaði tíma á laugardeginum eftir að hann sprengdi dekk en fram að því hafði þetta verið hörkuslagur uppá sekúndubrot á hverri einustu leið á milli þessara tveggja. Þriðji varð Jari-Matti Latvala og eftir afar erfiða byrjun þá sótti hann undir lokinn að Loeb og hélt pressunni á honum alla leið. Fjórði varð Dani Sordo en hann náði ekki að halda Latvala fyrir aftan sig í þessari keppni þrátt fyrir fantagóðan akstur sem sést best á því að hann er bara rétt rúmri mínútu á eftir fyrsta bíl! Í fimmta sæti varð Matti Rantanen í sinni annari keppni á WRC bíl en ekki munaði 0,3 sekúndum á honum og Sebastien Ogier í lokin en Ogier sótti hart að honum á lokaleiðum rallsins. Annar heimamaður, Jari Ketomaa, gerði vel með að klára í sjöunda sæti en hann var að keppa í fyrsta sinn á WRC bíl og stóð sig því mjög vel en hann stefni lengi vel á fimmta sætið en eftir að hafa sprengt dekk þá dróst hann út úr þeim slag. Juha Hanninen sigraði gr.N að þessu sinni en gaman er að geta þess að formulu eitt ökumaðurinn Kimi Raikkonen var þriðji í gr.N og sautjándi í heildina þegar hann velti Fiat bíl sínum út úr rallinu á 19. sérleið. Tékkneski Citroen ökumaðurinn Martin Prokop sigraði í J-WRC og tryggði sér með því titilinn í J-WRC en enginn getur náð honum á stigum úr þessu.

Lokastaðan:

1.	Mikko HIRVONEN	Ford Focus WRC09	2:50:40.9	0.0
2.	Sebastien LOEB	Citroen C4 WRC09	2:51:06.0	+25.1
3.	Jari-Matti LATVALA	Ford Focus WRC09	2:51:30.8	+49.9
4.	Dani SORDO	Citroen C4 WRC09	2:51:47.0	+1:06.1
5.	Matti RANTANEN	Ford Focus WRC08	2:54:59.1	+4:18.2
6.	Sebastien OGIER	Citroen C4 WRC08	2:54:59.4	+4:18.5
7.	Jari KETOMAA	Subaru Impreza WRC06	2:55:48.4	+5:07.5
8.	Matthew WILSON	Ford Focus WRC08	2:57:14.5	+6:33.6
9.	Khalid AL QASSIMI	Ford Focus WRC09	3:03:38.2	+12:57.3
10.	Juho HÄNNINEN	Skoda Fabia S2000 gr.N	3:04:54.6	+14:13.7

Ketomaa á einum af mörgum stökkpöllunum í Finlandi

Svona fór bíllinn hjá Raikkonen

Athugasemdir

[Heimir og Halldór Jónssynir, 3.8.2009 kl. 16:50]

Flott grein að vanda Steini ;).