Sérleið nr.12 Rally GB

Loeb leiðir þetta rall nokkuð örugglega að loknum öðrum keppnisdegi rallsins og óvíst hvort Hirvonen eigi séns á að ná honum á þeim fjórum leiðum sem eknar verða á morgun og Sebastien því á góðri leið með að tryggja sér 6. heimsmeistaratitilinn í röð! Jafnframt er óvíst hvort að þeir 80 km sem eknir verða á sérleiðum á morgun dugi Petter Solberg til að ná Dani Sordo í baráttunni um þriðja sætið. Aðrir í topp tíu eru allir í nokkuð öruggum sætum og ekki við miklum breytingum að búast þar nema menn geri glórulaus mistök.

Í gr.N er það norðmaðurinn Eyvind Brynildsen sem er lang fyrstur og þarf hann einungis að einbeita sér að komast klakklaust í gegnum leiðar morgundagsins og má tapa rétt um 30 sekúndum á hverri leið á morgun án þess að tapa sigri sínum.

Af Danna er það að frétta að hann endar daginn í 47. sæti yfir heildina eftir erfiðan dag þar sem hann hefur þurft að hafa fyrir hlutunum vegna slæmrar stöðu í rásröð eftir gærdaginn. Á morgun verður næsti bíll á undan honum í rásröð Ford Fiesta en aðrir ættu ekki vera vandamál og vonandi fáum við að sjá góða tíma frá honum á morgun.

Staðan fyrir lokadag keppninar:

1.	Sébastien LOEB	Citroen C4 WRC	2:32:21.4	0.0
2.	Mikko HIRVONEN	Ford Focus WRC	2:32:51.6	+30.2
3.	Dani SORDO	Citroen C4 WRC	2:33:41.5	+1:20.1
4.	Petter SOLBERG	Citroen C4 WRC	2:34:05.5	+1:44.1
5.	Sébastien OGIER	Citroen C4 WRC	2:36:43.0	+4:21.6
6.	Henning SOLBERG	Ford Focus WRC	2:37:44.2	+5:22.8
7.	Matthew WILSON	Ford Focus WRC	2:38:51.4	+6:30.0
8.	Jari-Matti LATVALA	Ford Focus WRC	2:40:23.9	+8:02.5
9.	Conrad RAUTENBACH	Citroen C4 WRC	2:44:21.5	+12:00.1
10.	Aaron BURKART	Citroen C4 WRC	2:48:49.6	+16:28.2
11.	Eyvind BRYNILDSEN	Skoda Fabia S2000	2:49:37.1	+17:15.7
12.	Armindo ARAÚJO	Mitsubishi EvoX	2:51:33.3	+19:11.9
13.	Martin PROKOP	Mitsubishi Evo9	2:51:51.3	+19:29.9
47.	Daniel SIGUROARSON	Mitsubishi EvoX	3:22:54.7	+50:33.3

Eyvind Brynildsen á fullri ferð í Rall GB