Gleðilegt ár

Óska öllum lesendum mínum gleðilegs árs með ósk um að komandi ár verði þeim og þeirra fjölskyldum ánægjulegt og happadrjúgt en jafnframt þakka ég öllum lesendum fyrir áhugann á árinu sem er að líða.

Framundan er spennandi rallýár í WRC, IRC og Íslandsmótinu. Í WRC eru breytingar framundan enda er þetta síðasta árið sem núverandi WRC bílar verða leyfðir en á næsta ári taka við reglubreytingar sem banna þessi ofurtæki. Þegar stefnir í að nýr flokkur, S-WRC, verði vinsæl viðbót í WRC keppninni en þessi flokkur er fyrir Super 2000 bíla og greinilega margir sem ætla að nota næsta árið til að undirbúa sig fyrir 2011 þegar þessir bílar taka við af WRC bílunum. IRC heldur áfram að dafna og bendir allt til að enn fleiri af topp ökumönnum heimsins muni taka þátt í IRC á komandi ári og að þessi keppni er svo sannarlega komin til að vera sem ein öflugasta mótaröð sem til er, jafnvel öflugri en WRC!

Íslandsmótið virðist einnig ætla að verða skemmtilegt þó að líklega fækki eitthvað í hópi öflugustu bílanna en móti kemur að það stefnir í að nýr flokkur fyrir 4x4 bíla með allt að 2000 rúmsentimetra vél án túrbínu verði áhugaverð viðbót og hefur heyrst að þegar séu einhverjir farnir að huga að smíði þannig bíla enda mun ódýrari bílar í rekstri en hefðbundnir 4x4 túrbó bílar.

Að lokum óska ég öllum keppendum velfarnaðar á komandi keppnistímabili. Eða eins og sagt var af góðum manni "Guði gefi ykkur fulla ferð og engar bremsur".

Athugasemdir

[Jóhann Elíasson, 1.1.2010 kl. 13:57]

Gleðilegt ár Steini og þakka þér fyrir góð og skemmtileg skrif um rallýið á nýliðnu ári.  Ég er reglulegur lesandi síðunnar þó svo að lítið hafi verið um það að ég hafi gert vart við mig.

[petur (IP-tala skráð) 1.1.2010 kl. 19:59]

Gleðilegt ár sömuleiðis....

það er búið að vera mjög gaman að lesa allar þessar greinar eftir þig...

kveðja

Pétur bakari