Skoska rallið SS3

Enn er það Kris Meeke sem á besta tímann og eykur hann forystuna sína jafnt og þétt. Alister McRae átti næst besta tímann og Guy Wilks er þriðji. Alister Fisher er fjórði á þessari leið og fer jafnframt uppí fjórða sætið og fimmti á þessari leið er Adam Gould. Næstir koma Greer og Bogie og með áttunda besta tíman er Danni og virðist allt ganga nokkuð vel miðað við aðra keppendur og er hann greinilega að stefna á að vera í topp 10 í lok dagsins.

Breski meistarinn Keith Cronin stoppaði inná þessari leið og eins tilkynnit Alister Fisher um "spin" og hefði hann þá hugsanlega náð betri tíma!

Staðan eftir SS3:

1	Kris Meeke	Peugeot 207 S2000	12.27,5
2	Guy Wilks	Skoda Fabia S2000	00:07,0
3	Alister McRae	Proton Satria S2000	00:14,4
4	Alister Fisher	MMC Lancer Evo9	00:47,9
5	Adam Gould	Peugeot 207 S2000	00:50,5
6	Jonathan Greer	MMC Lancer Evo9	00:56,1
7	David Bogie	MMC Lancer Evo9	01:02,0
8	Daniel Sigurðsson	MMC Lancer Evo10	01:07,6
9	Kaspar Kotla	Honda Civic	01:42,2
10	Eamonn Boland	MMC Lancer Evo10	01:48,4

Skoska rallið eftir fyrstu 2 leiðarnar

Það er Kris Meeke (Peugeot 207 S2000)sem leiðir Skoska rallið eftir þessar fyrstu 2 leiðar rallsins og er hann með 4 sekúndna forystu á Guy Wilks (Skoda Fabia S2000) og næst á eftir þeim er Adam Gould (Peugeot 207 S2000) og er hann 11,7sekúndum á eftir Meeke. Fjórði er Alister McRae (Proton S2000) og fimmti er Alister Fisher (MMC Evo9) og í sjötta sæti er Daníel Sigurðsson (MMC EvoX) og er hann 12,7 sekúndum á eftir Meeke eftir þessar fyrstu tvær leiðar og er hann aðeins 0,3 sekúndum á eftir Fisher.

Mikil rigning er í Skotlandi og eru leiðarnar bæði blautar og hálar og má búast við að þær verði mikið skornar á leiðunum á morgun og því erfitt rall fram undan. 

Meira um þetta á morgun.

Skoska rallið

Í kvöld hefst skoska rallið með tveimur stuttum áhorfenda leiðum sem eknar eru í kringum Scone Palace sem gömul konungshöll Skota (sé fyrir mér að við fáum að aka sérleið í kringum Bessastaði...) en þetta stutt en krefjandi leið. Eins fram hefur komið áður þá er Daníel Sigurðsson skráður til leiks á sínum Mitsubishi Lancer Evo10 og verður spennandi að sjá hvernig honum á eftir að ganga í þessari keppni.

Þegar eru áföllin byrjuð að gerast hjá keppendum en bæði Kris Meeke og Adam Gould (báðir á Peugeot 207 S2000) hafa lent í vandræðum við sinn undirbúning en Meeke skemmdi hjólabúnað á sínum bíl við prufuakstur og Gould tapaði vélinni við sinn prufuakstur og verður því einungis búinn að aka sínum bíl 50 km fyrir þessa keppni.

Tímatafla rallsins er svohljóðandi:

Fimmtudagur  19 Nóvember

SS 1 SCONE PALACE 1    1.53km   20:11 

SS 2 SCONE PALACE 2    1.53km   20:26 

Föstudagur  20 Nóvember

SS 3 CRAIGVINEAN 1    20.49km   08:50 

SS 4 BLACKCRAIG        11.50km   10:03 

SS 5 ERROCHTY           21.56km   12:12 

SS 6 DRUMMOND HILL   18.66km   13:23 

SS 7 CRAIGVINEAN 2     20.49km   16:05 

Laugardagur  21 Nóvember

SS 8 ACHRAY 1            16.41km   08:00 

SS 9 FAIRY KNOWE 1     7.59km   08:34 

SS10 LOCH ARD 1         33.52km   09:10 

SS11 ACHRAY 2            16.41km   12:56 

SS12 FAIRY KNOWE 2     7.59km   13:30 

SS13 LOCH ARD 2         33.52km   14:06 

Samtals  211 km á sérleiðum

Svona lítur Skodinn hjá Guy Wilks út.

Ford Fiesta S2000

M-Sport kynnti til leiks í gær nýjan Ford Fiesta S2000 bílinn sem þeir hafa verið að hanna. Þessi bíll verður vottaður (homologation) í janúar þannig að hann verður tilbúinn fyrir Monte Carlo rallið sem fer fram 19-22 janúar næstkomandi. Ford verður ekki með keppnislið í IRC þar sem þeir eru skuldbundnir WRC næstu tvö árin en þessi bíll er þróaður af M-Sport með stuðningi og samþykki Ford. Þetta þíðir að M-Sport gæti bakkað upp einhverja ökumenn til þátttöku í IRC á næsta ári án þess að það sé beint Ford stimpill á þeirri þátttöku!

Níu mánuðir eru síðan M-Sport hóf þróunar vinnu á þessum bíl og hefur honum þegar verið ekið rétt um 3.000 km í prufuakstri. Þessi bíll verður síðasti undanfari á undan keppnisbílunum í Skoska rallinu sem hefst síðar í dag og verður fróðlegt að sjá bæði hver ekur honum og eins á hvaða tímum.  

Hérna er video af bílnum: http://www.youtube.com/watch?v=hR9dvLzujgU

IRC - Rally of Scotland

Nú er komið að lokaumferð IRC mótaraðarinnar og fer hún fram um næstu helgi hjá nágrönnum okkar í suðri, Skotum. Íslendingar eiga sinn keppenda þar en Daníel Sigurðsson mætir þar til keppni ásamt Írskum aðstoðarökumanni, Martin Brady, sem er vel veraldarvanur. IRC meistari þessa árs, Kris Meeke, mætir þar með sinn Peugeot S2000 bíl en alls eru 6 stkki S2000 bílar skráðir til leiks og má nefna þar ökumenn eins og Guy Wilks, Alister McRae og Keith Cronin, Breskur meistari 2009, sem mætir í sína fyrstu keppni á Super 2000 bíl. Einn er sá ökumaður sem ég ætla einnig að hafa auga á að þessu sinni en það er Adam Gould sem keppir sem gesta ökumaður á bíl sem BF Goodrich (Michelin) gerir út. Allt eru þetta hraðir ökumenn og ekki má gleyma ökumönnum eins og Wittmann, Bogie og Fisher sem allir aka "venjulegum" grúbbu N bílum og verða örugglega að blanda sér í slaginn um fyrstu fimm sætin. Ég hef trú á að Danni verði rétt á eftir þessum mönnum en það ræðst eftir ástandi veganna en það kemur til með að hindra Danna hvað hann er aftarlega í rásröð. Ég verð að segja að Daníel ætti að vera mun ofar í rásröð  en sem dæmi þá var Eamoon Boland (nr. 11) ræstu rétt á undan Danna í Rally GB um daginn og Danni sýndi að hann var mun fljótari en hann! Ekki meira um það.

Meira um þessa skemmtilegu keppni þegar nær dregur helginni.

Rásröð í Rally of Scotland:

1	Kris Meeke	Peugeot 207 S2000
2	Guy Wilks	Skoda Fabia S2000
3	Keith Cronin	Fiat Abarth Punto S2000
4	Adam Gould	Peugeot 207 S2000
5	David Bogie	MMC Lancer Evolution IX
6	Franz Wittmann	MMC Lancer Evolution IX
7	Jonathan Greer	MMC Lancer Evolution IX
8	Dave Weston	Subaru Impreza N15
9	Alastair Fisher	MMC Lancer Evolution IX
10	Alister McRae	Proton Satria Ned S2000
11	Eamonn Boland	MMC Lancer Evolution X
12	Kaspar Koitla	Honda Civic Type-R
13	Jock Armstrong	Subaru Impreza
20	Daniel Sigurðarson	MMC Lancer Evolution X
22	Tim Sebani	Opel Corsa OPC S2000

Íslenska fánanum verður flaggað í Skotlandi um næstu helgi

Ford Fiesta S2000

Á miðvikudaginn í næstu viku þ.e. 18. nóvember þá verður nýji bíllinn sem Ford kemur til með að byggja sitt keppnislið á í framtíðinni opinberaður. Til eru nokkrar myndir af þessum bíl en þær eru allar í þessari svart / hvítu útfærslu sem sjá má hér til hliðar. Fyrsta keppni fyrir þennan bíl verður líklegast Monte Carlo rallið í janúar og rætt er um þrjá mögulega ökumenn en þeir eru: Mikko Hirvonen, Jari-Matti Latvala og Marcus Gronholm. Hver þeirra það verður kemur síðar í ljós.

Stutt video af þessum bíl má sjá hér: 

http://www.youtube.com/watch?v=gziZfXEMxoM.

Flott video frá Rally GB

Flott video og sést í Danna í Sweet lamb  -  5:06

http://www.youtube.com/watch?v=ncfJYNZX-2s

 Annað flott video hérna.

http://www.youtube.com/watch?v=ypeSuKTF0Hc

Veltan hjá Sebastien Ogier

http://www.youtube.com/watch?v=SICVcDUZE6M

Og að lokum in-car með heimsmeistaranum sjálfum - Sebastien Loeb

http://www.youtube.com/watch?v=dcaqsOTvSYY&feature=related

 

 

Úrslit Rally GB

Sebastien Loeb er heimsmeistari í rallakstri árið 2009 - sjötta árið í röð!

Eftir að hafa ekið örugglega um lokaleið rallsins er Sebastien Loeb búinn að tryggja sér titilinn þetta árið en Hirvonen rétt hangir á öðru sætinu þar sem Dani Sordo er einungis 1 sekúndu á eftir honum. Fjórði er  Petter Solberg og í fimmta sæti er bróðir hans, Henning Solberg. Í sjötta sæti kemur Matthew Wilson, sonur Malcolm Wilson eiganda Ford liðsins, og í sjöunda sæti kemur Jari-Matti Latvala sem nær að drösla skemmdum Fordinum heim eftir að hafa ekið útaf á annari leið dagsins og nánast þrjú hjól undir bílnum! Í áttunda og síðasta stigasætinu er Conrad Rautenbach sem hefur ekki farið mikið fyrir í þessu ralli.

Í gr.N er það Eyvind Brynildsen sem sigra örugglega og næstur á eftir honum kemur heimsmeistarinn í P-WRC portúgalinn Armindo Araujo. Þriðji í gr.N er Martin Prokop sem heimsmeistarinn í J-WRC þetta árið.

26.10  Eyvind Brynildsen hefur verið dæmdur frá keppni eftir að í ljós kom misræmi á milli vottaðra afturbremsa og þeirra sem notaðar voru í bílnum hans í þessari keppni. Svo virðist sem um mistök hjá Skoda verksmiðjunum sé um að ræða og að keppnislið hans hafi ekki hagnast á einn eða neinn hátt á þessu. Það er því Armindo Araujo sem sigrar þennan flokk í stað Brynildsen.

Danni skilar sér í gegn með 30. besta tímann í heildina (0,9 sekúndum á eftir Latvala) og klárar þetta rall í 41. sæti í heildina og í kringum 20. sæti i gr.N sem er nokkuð gott miðað við refsingarnar sem hann hlaut á föstudaginn eftir að Andrew Sankey veiktist og eftir að stýrisendi gaf sig á síðustu leið gærdagsins þó þetta sé ekki allskostar eins lagt var upp með fyrir keppnina.

Lokastaðan í Rally GB:

1.	Sébastien LOEB	Citroen C4 WRC	3:16:25.4	0.0
2.	Mikko HIRVONEN	Ford Focus WRC	3:17:31.5	+1:06.1
3.	Dani SORDO	Citroen C4 WRC	3:17:32.5	+1:07.1
4.	Petter SOLBERG	Citroen C4 WRC	3:17:53.5	+1:28.1
5.	Henning SOLBERG	Ford Focus WRC	3:22:53.4	+6:28.0
6.	Matthew WILSON	Ford Focus WRC	3:24:11.4	+7:46.0
7.	Jari-Matti LATVALA	Ford Focus WRC	3:28:37.3	+12:11.9
8.	Conrad RAUTENBACH	Citroen C4 WRC	3:30:53.2	+14:27.8
9.	Eyvind BRYNILDSEN	Skoda Fabia S2000 (N)	3:38:48.1	+22:22.7
10.	Armindo ARAÚJO	Mitsubishi EvoX (N)	3:40:44.2	+24:18.8
11.	Martin PROKOP	Mitsubishi Evo9 (N)	3:40:57.0	+24:31.6

Heimsmeistarinn 2009 - Sebastien Loeb

 

Sérleið nr.15 Rally GB

Nú er allt að gerst. Hirvonen tapar rúmri mínútu á Loeb á þessari næst síðustu leið þegar húddið á bílnum fauk upp og hann varð að stoppa til að rífa það af og er hann einungis 0,9 sekúndum á undan Sordo! Bæði Sebastien Ogier og Aron Burkhart tapa miklum tíma á þessari leið einnig og fellur Ogier úr 5. sæti niður í 9. sæti þegar hann tapar 11.32 á besta tímann þegar skemmir bílinn að framan við útafakstur og ólíklegta að hann klári rallið og Aron Burkhart fellur úr 9. sætinu og niður í 14. sæti þegar hann tapar 5:30 á besta tímann.

Í gr.N er það Patrik Flodin sem á besta tímann en Eyvind Brynildsen er á góðri leið með að tryggja sér fyrsta sigurinn í P-WRC á ferlinum. Danni skilar sér með 31. besta tímann á þessari leið og er við það skila sér í mark í sinni fyrstu WRC keppni. Þá er bara lokaleið rallsins eftir og koma upplýsingar um hana innan tíðar.

Staðan fyrir síðustu leið rallsins:

1.	Sébastien LOEB	Citroen C4 WRC	3:03:19.8	0.0
2.	Mikko HIRVONEN	Ford Focus WRC	3:04:45.5	+1:25.7
3.	Dani SORDO	Citroen C4 WRC	3:04:46.4	+1:26.6
4.	Petter SOLBERG	Citroen C4 WRC	3:05:04.3	+1:44.5
5.	Henning SOLBERG	Ford Focus WRC	3:09:39.4	+6:19.6
6.	Matthew WILSON	Ford Focus WRC	3:10:53.2	+7:33.4
7.	Jari-Matti LATVALA	Ford Focus WRC	3:13:33.9	+10:14.1
8.	Conrad RAUTENBACH	Citroen C4 WRC	3:17:12.9	+13:53.1
9.	Sébastien OGIER	Citroen C4 WRC	3:19:37.0	+16:17.2
10.	Eyvind BRYNILDSEN	Skoda Fabia S2000 (N)	3:24:38.1	+21:18.3

Sérleið nr.14 Rally GB

Hirvonen tekur 11,2 sekúndur af Loeb á þessari leið og minkar muninn niður í 18,2 sekúndur og hleypir við spennu í slaginn um heimsmeistaratitilinn þegar tveimur leiðum er ólokið. Solberg sækir einnig að Sordo á þessari leið og minnkar muninn á milli þeirra niður í 14,6 sekúndur! Aðrir í toppsætunum eru ekki í slag og engar breytingar hjá þeim.

Í gr.N er það Patrik Sandel sem á besta tímann og Eyvind Brynildsen heldur sínu og hlítur að vera farinn að heyra allvega aukahljóð í Skodanum sínum eins og oft vill verða á lokaleiðum ralls (þó ekkert sé að) en ef hann heldur þessu þá er fyrsti sigur hans í P-WRC á ferlinum.

Danni skilar í gegnum þessa leið með 33. besta tímann í heildina og hífir sig upp um nokkur sæti en hann á rúmar 3 mínútur í næsta mann þannig að ekki við neinum flugeldasýningum að búast á þessum tveimur leiðum sem eftir eru. Núna stefnar allir í "splash and dash service" sem er 15 mínútna þjónustuhlé fyrir loka leiðar rallsins en þá keyra þeir aftur sömu tvær leiðar og voru eknar í morgun. 

Hvor verður heimsmeistari síðar í dag?