Rally Sunseeker

Næsta laugardag þ.e. 23. Febrúar taka þeir Daníel Sigurðsson og Ísak Guðjónsson þátt í Rally Sunseeker keppninni sem haldin er í nágreni við Bournemouth á suður Englandi. 90 áhafnir eru skráðar til keppni  í þessari fyrstu umferð í svokallaðri „national“ keppni þeirra Breta en þar má sjá allar útgáfur á rallbílum frá nánast nýjum WRC græjum til heimasmíðaðra ofurbíla, svona í átt við Nissan bíl Steingríms Ingasonar – fyrir þá sem muna eftir honum. Þessi keppni er einnig fyrsta umferð í svokölluð Evo-Challenge en það er í raun keppnin sem Daníel er að taka þátt í. Eru þeir félagarnir með rásnúmer 32 í heildarkeppninni og eru þeir númer 14 af grúbbu N bílunum en hafa ber í huga að Subaru bílarnir taka auðvitað ekki þátt í Evo keppninni þar sem einungis Mitsubishi bílar eru gjaldgengir.

Eftir að hafa tekið þátt í nokkrum keppnum í Bretlandi á síðasta ári á Evo7 bíl sínum hefur Danni fjárfest í Evo 9 bíl, þeim sem Gwendaf Evans keppti á árið 2006 og færði honum Evo titilinn það ár en þessi bíll er sambærilegur við það allra besta sem í boði er í gr.N í dag. Hefur hann notið leiðsagnar Stuart Jones sem er ungur og afar efnilegur breskur ökumaður sem hefur keppt á Evo 9 bíl bæði í bresku meistarakeppninni (BRC) og heimsmeistarakeppninni.

Þessi vika hefur verið skipulögð út í ystu æsar en flogið var út í gær (þriðjudag) og í dag eru þeir að undirbúa bílinn með uppsetningum og stillingum og er Phil Marks, sem er einn fremsti sérfræðingur Bretlands í forritun á vélartölvum, með ásamt starfsmönnum Quick motorsport sem aðstoða þá við þessa vinnu. Quick motorsport sér um að undirbúa bílinn, geyma hann á milli keppna ásamt öðrum undirbúningi og öflun gagna fyrir hverja keppni þar sem erfitt er fyrir Daníel að sjá um þá hluti frá Íslandi. Fimmtudagurinn fer í að merkja bílinn ásamt því að fara yfir leiðarnótur og skoða DVD diska með upptökum af leiðunum sem eknar verða á laugardaginn. Föstudagurinn fer svo í að koma bílnum á keppnisstað ásamt því að skoðun keppnisbílanna fer fram einnig á föstudaginn.

En að keppninni sjálfri. Fyrstur og sennilega sá fljótasti af keppendunum í Evo keppninni er Sebastian Ling en hann var einn af þeim fljótustu í þessari keppni á síðasta ári en það er eins og lukkan fylgi ekki honum alltaf og virðist hann því stundum mistækur. Hann verður samt að teljast sigurstranglegastur í þessari keppni en aðrir sem eru fljótir eru t.d. David Bogie og Keith Cronin. Ef Danni nær góðum tökum fljótt á þessum nýja bíl gæti hann verið á tímum sem eru ekki langt frá þessum aðilum og reikna ég með að hann verði á undan ökumönnum eins og Nik Elsmore sem hefur samt gríðarlega reynslu. Daníel er búinn að gefa út að stefnan sé sett topp 5 í þessari keppni en að aðalatriðið verði að klára og að venjast bílnum. Spurning hvort að speglar og aðrir aukahlutir sem raðað er utan á einn svona bíl fái að vera á út alla keppnina en það var ekki alltaf þannig í fyrra! 

Ég mun reyna að fylgjast með þessari keppni eins og ég get og koma með nýjustu fréttir og tíma á sérleiðum eins og hratt og hægt er. Svo er bara að segja „brake a leg“ og vona að allt gangi upp.

Skyrp, skyrp og allt það....  

 

p.s. Danni, þú fyrirgefur að ég stal sumum myndunum sem fylgja þessari grein af síðunni þinni!

Svona leit bíllinn hans Danna út árið 2006 

Stór dagur

19. febrúar 2008 er merkilegur dagur fyrir margar sakir.

Stærsta fréttin er tilkynning um að Kristján Einar Kristjánsson hafi landað samningi við hið virta Carlin keppnisliðið í Formulu 3 keppninni og þori ég að fullyrða að enginn Íslendingur hefur náð þetta langt í akstursíþróttum áður og er þetta sagt með fullri virðingu fyrir Viktori Þór og öðrum sem eru að spreyta sig á þessu sviði. Að sjálfsögðu óskar maður honum alls hins besta og meigi þetta vera einungis fyrsta skrefið af mörgum fyrir þennan mjög svo geðþekka pilt. Er þessi árangur vonandi mikil hvattning fyrir þá sem standa að baki honum og aldrei að vita nema þetta verði til þess að íslenskar akstursíþróttir hætti að vera skuggasport sem íþróttadeildir fjölmiðlana vilji helst ekki vita af.

 Önnur frétt er sú að Daníel Sigurðsson og Ísak Guðjónsson sitja í núna í flugvél á leið til Bretlands en þeir taka þátt í rallkeppni þar um næstu helgi. Meira um það síðar ........

Og svo skemmir ekki að þetta er afmælisdagurinn minn .

Nýtt WRC dekk frá Pirelli

Nú er Pirelli að kynna þriðja nýja dekkið á árinu. Þegar hafa þeir kynnt nýtt malbiksdekk, PZero, sem notað var fyrst í Monte Carlo og því næst vetrardekk, Sottozero, sem notað var í Svíðþjóð og hafa öll liðin lofað þessi dekk í hástert fyrir endingu og grip. En eins og fyrr sagði er nú komið að malardekkinu sem er kallað Scorpion og verður það notað fyrst í Mexico eftir 2 vikur. Dekkið verður fáanlegt bæði með hörðu gúmmíi fyrir lönd eins og Mexico og Grikkland og  með mjúku gúmmíi sem verður notað til dæmis í Tyrklandi og Bretlandi.

Pirelli hefur lagt mikla vinnu í að þróa þessi dekk þar sem mús í dekkjum eru nú bönnuð og reyna þeir því eftir fremsta megni að gera þessi dekk þannig að þau springi ekki! Til þess að ná þeim árangri hafa þeir styrkt hliðar dekkjanna mikið og einnig breytt hönnun þeirra þannig að ef dekkið springur þá sé hægt að klára leiðina á sprungna dekkinu án þess að rústa yfirbyggingu bílsins. Fróðlegt verður að sjá hvernig þetta nýja dekk kemur út þar sem liðin eiga eftir að keyra yfir 75 km á þessum dekkjum á mjög grófu undirlagi, með mikið af oddhvössum steinum og því alveg ljóst að ef þau þola þetta þá þola þau allt!

Svo er bara að fylgjast með Rally Mexico dagana 28. Febrúar  - 3. Mars næstkomandi.

Tvö met slegin

Tvö met féllu um síðustu helgi í keppninni í Svíþjóð.Það fyrra var metið sem Jari-Matti Latvala (Fin) setti sem yngsti sigurvegari sögunar, en hann er einungis 22 ára,  þar sem hann bætti fyrra met Henri Toivonen (Fin)sem sigraði RAC rallið í Bretlandi árið 1980 en hann var 24 ára þegar hann sigraði þá keppni.

 Seinna metið sem slegið var hefur ekki farið eins hátt en í þessari keppni þar sem Norðmaðurinn ungi Andreas Mikkelsen (18 ára) varð í fimmta sæti þá varð hann yngsti keppandi sögunar til að skora stig til heimsmeistar í ralli. Fyrra met átti Matthew  Wilson (sonur  Malcolm Wilson – stjóra M sports) en hann var 19 ára þegar hann náði áttunda sæti í Argentínu rallinu árið 2006. Með þessu hefur Mikkelsen gert læriföður sinn stoltan en Marcus Gronholm tvöfaldur heimsmeistari hefur verið að styðja hann með ráðum og dáð eftir að hann hætti sjálfur keppni á síðasta ári.

Þess má geta að Henri Toivonen lést í rallkeppni á eyjunni Korsíku (Tour de Corse) árið 1986 og var dauði hans ásamt dauðaslysi í keppninni í Portúgal það sama ár þar sem fjöldi áhorfenda lést til þess að FIA bannað svokallaða B grúbbu bíla þar sem þeir þóttu of öflugir og hreinlega lífshættulegir. Þessir bílar eru eftirsóttir af söfnurum í dag og hægt er að kaupa svona Gr.B bíl fyrir litlar 40-60 miljónir ef honum fylgir merkileg saga þ.e. sigrað ákveðnar keppnir eða verið ekið af einhverjum merkum ökumanni.

Nýr Skoda Fabia S2000

 

Rakst á þessar myndir af nýja Skoda Fabia S2000 bílnum. En S2000 bílar eru með 2 lítra vél án túrbínu, fjórhjóladrifnir og með seqentuial gírkassa en það þíðir að menn skipta um gír án þess að kúpla og án þess að lyfta upp bensíngjöfinni þar sem rafeindabúnaður sér um að lækka snúninginn á vélinni.

Þeir eru ný byrjaðir að prufa þennan bíl og er vænst til að hann komi í keppni síðar á árinu. Með þessum bíl bætist Skoda í hóp með Fiat, Peugeot, Toyota, Volkswagen og MG sem hafa smíðað S2000 bíl en þessir bílar falla í flokk með grúbbu N í heimsmeistarkeppinni og eru því tildæmis gjaldgengir í Íslandsmótið í rallakstri ef einhver hefur áhuga.

Staðan eftir keppnina í Svíðþjóð

1	Mikko Hirvonen	16
2	Jari-Matti Latvala	10
3	Sébastien Loeb	10
4	Gigi Galli	9
5	Petter Solberg	9
6	Chris Atkinson	6
7	Francois Duval	5
8	Andreas Mikkelsen	4

Staða framleiðenda

1  BP Ford                  26

2  Subaru                    16

3  Stobbart Ford        16

4  Citroën                  15

5  Suzuki                        5

Jari-Matti Latvala sigrar!

 Um síðustu helgi lauk annari umferð heimsmeistarkeppninar í rallakstri (WRC) sem fram fór í Svíþjóð að þessu sinni með yfirburða árangri hjá Ford en Ford Focus bílar voru í þremur efstu sætunum en óvenjulegt gengi Citroen manna þar sem Sebastian Loeb (Fra) velti bílnum sínum, var tekinn fyrir of hraðan akstur á ferjuleið og tapaði loks vélinni í C4 bílnum sínum. Dani Sordo (Spá) byrjaði keppnina með 5 mínútna refsingu vegna þess að Citroen liðið þurfti að skipta um vél í C4 bíl hans og gerði því vel með að skila sér í sjötti sæti í lok keppnirnar ásamt því að ná í 4 dýrmæt stig fyrir Citroen í keppni framleiðenda.

En aðal frétt þessarar keppni var árangur Jari-Matti Latvala (Fin)sem sigraði hér sína fyrstu keppni , setti met sem yngsti sigurvegari í WRC frá upphafi (fyrra met átti Henri Toivonen en hann var 24 ára þegar hann sigraði RAC rallið 1980) en Latvala er einungis 22 ára en fyrsta keppni hans í WRC var Rally GB 2002 þá 17 ára gamall! Latvala setti mark sitt á þessa keppni strax í upphafi og tók forystuna strax á annari leið og áttu aðrir keppendur einfaldlega ekki séns. Þarna naut hann þess að vera á góðum stað í rásröð en hann ræsti sem tíundi bíll á föstudeginum og var því með góða og hreina aksturlínu þann daginn ásamt feikna góðum akstri þar sem hann stýrði hraðanum algerlega í þessari keppni.

Mikko Hirvonen (Fin) getur vel við unað en hann endaði í öðru sæti í þessari keppni þar sem hann viðurkenndi fúslega að hann hefði alveg þegið sigur en hraðinn á Latvala hafi einfaldlega verið of mikill í þessari keppni. Hirvonen leiðir stigakeppi ökumanna eftir þessa keppni með 16 stig.

Gigi Galli (ita) tryggði sér þriðja sætið eftir harðan slag við Henning Solberg (Nor) sem endaði með útafakstri hjá Henning Solberg, en þetta er einungis önnur keppni þessa Gigi Galli fyrir Stobbart Ford liðið en hann hefur ekki keppt neitt að ráði í nærri 2 ár og verður spennandi að fylgjast með hvað hann gerir í næstu keppni sem fram fer í Mexico.

Petter Solberg (Nor) náði að tryggja Subaru fjórða sætið tæpum 3 mínútum á eftir fyrsta sætinu og er það eins og við var að búast en Subaru notar enn 2007 bílinn sem var ekki að virka í fyrra og enginn reiknar með að virki neitt frekar í ár en þar á bæ bíða menn eftir nýja bílnum sem miklar vonir eru bundnar við en þess má geta þess að Prodrive sem rekur keppnislið Subaru réði Marrko Martin til að sinna undirbúnings akstri á þessum nýja bíl.

Fimmti var norski unglingurinn Andreas Mikkalsen (Nor) á Ford Focus en keyrði hann jafnt og þétt án nokkurra stóráfalla en framtíðinn er björt hjá þessu 18 ára dreng ef hann heldur svona áfram.

Í sjönda sæti var Toni Gardemeister (Fin) eftir keppni sem var plöguð af smá vandamálum ásamt smá útafakstri og hefur því Suzuki skorað stig í báðum keppnum þessa árs og virðast þeir vera á réttir leið með þróun Suzuki SX4 bílsins en Suzuki hefur ekki fyrr en í ár keppt með WRC bíl þó að þeir eigi nokkura ára sögu í J-WRC með bæði Ignis og Swift bílunum. Vert er að vekja athygli á þeim tímum sem P-G Anderson (Sví) var að ná fyrir Suzuki áður en vélin í bíl hans bilaði en þar kom upp sama vandamál með strokkloksþétti (heddpakkningu) og hrjáði Gardemeister í Monte Carlo.

í P-WRC (eða grúbbu N sem fleiri þekkja) var keppnin einnig hörð en hlutskarpastur var Juha Hanninen á Mitsubishi en bæði Ketomaa og Sandell voru fljótari að jafnaði en Ketomaa sprengdi dekk og Sandell keyrði útaf og töfðust þar af leiðandi báðir um 2-3 mínutur hvor. Er þetta fyrsta keppnin þar sem S2000 bíll kemst á verðlaunapall í WRC en Patrik Sandell ekur á Peugeot 207 S2000 og á hann besta tíma á flestum leiðum í þessari keppni og leiddi keppnina lengst af.

Hérna er lokastaðan í Svíþjóð:

 

 

 

 

 

1.		Jari-Matti LATVALA     Ford Focus WRC´07           A8	2:46:41.2	0.0
2.		Mikko HIRVONEN       Ford Focus WRC´07           A8	2:47:39.5	+58.3
3.		Gigi GALLI                 Ford  Focus WRC´07           A8	2:49:04.4	+2:23.2
4.		Petter SOLBERG       Subaru Impreza WRC´07    A8	2:49:40.6	+2:59.4
5.		Andreas MIKKELSEN Ford  Focus WRC´06           A8	2:52:27.2	+5:46.0
6.		Dani SORDO             Citroen C4 WRC                   A8	2:53:54.3	+7:13.1
7.		Toni GARDEMEISTER Suzuki SX4 WRC                  A8	2:57:16.5	+10:35.3
8.		Juho HÄNNINEN        Mitsubishi Lancer Evo9        N4	2:59:08.7	+12:27.5
9.		Mads ØSTBERG         Subaru Impreza WRC´06    A8	3:00:09.7	+13:28.5
10.		Jari KETOMAA            Subaru Impreza N12b         N4	3:00:31.9	+13:50.7
11.		Patrik SANDELL         Peugeot 207 S2000            N4	3:01:00.5	+14:19.3