Proton mætir í IRC

Malasíu framleiðandinn Proton mun mæta í þær IRC keppnir sem eftir eru á þessu ári. Ökumaður þeirra verður bretinn Guy Wilks en hann leiddi Pirelli rallið í Bretlandi fyrr á þessu ári eða þar til bíll hans brann til kaldra kola. Bíllinn verður gerður út af MEM í Bretlandi en þeir hafa þróað þennan bíl fyrir Proton.

Næsta keppni í IRC er Ypres rallið sem fer fram á malbiki í Belgíu daganna 17. - 20. júní.

 

Novikov fyrstur í shakedowm fyrir Akrapólis rallið

Rússinn ungi, Novikov, var fljótastur í shakedown í morgun og Loeb annar. Ford tvíeykið sem voru í fyrst og öðru sæti í síðasta ralli eru heldur rólegri og verður fróðlegt að fylgjast með tímum á morgun. Fróðlegt verður að fylgjast með Petter Solberg en honum hefur jafnan gegnið vel í þessu ralli og var hann t.d. í öðru sæti í fyrra í fyrstu keppni S14 Subaru WRC bílsins.

 

Hérna er röð efstu manna:

1	Noiviko	Citroen C4 WRC08	02:19,8
2	Loeb	Citroen C4 WRC09	02:20,1
3	Villagra	Ford Focus WRC08	02:20,2
4	Hirvonen	Ford Focus WRC09	02:20,4
5	Wilson	Ford Focus WRC08	02:20,6
6	Latvala	Ford Focus WRC09	02:20,8
7	Sordo	Citroen C4 WRC09	02:21,2
8	P. Solberg	Citroen Xsara WRC06	02:22,3
9	Ogier	Citroen C4 WRC08	02:22,3
10	H. Solberg	Ford Focus WRC08	02:22,6
11	Östberg	Subaru Impreza WRC08	02:23,0
12	Rautenbach	Citroen C4 WRC08	02:26,5
13	Al Qassimi	Ford Focus WRC09	02:26,5

Jón Bjarni og Sæmundur vinna Vorrall BíKR

Í gær fór fram fyrsta umferð Íslandsmótsins í rallakstri og voru tvær áhafnir í algjörum sérflokki en það voru Jón Bjarni / Sæmundur á Evo7 og Pétur / Heimir á Evo6 og voru það Jón Bjarni / Sæmundur sem sigruðu eftir allt saman að þessar áhafnir skiptust um sigra einstakar leiðar en Jón Bjarni / Sæmundur lögðu grunninn að sigrinum eftir góðan akstur á Lyngdalsheiði. Páll og Aðalsteinn á  sínu Suburu Impreza færðust upp listann eftir því sem fleiri duttu út úr þessu ralli og enduðu mjög öruggir í þriðja sæti. Hilmar / Stefán á Honda Civic áttu tvímælalaust akstur dagsins sem dugði þeim í fjórða sætið og gaman að sjá Hilmar flengja Hondunni áfram gjörsamlega fjöðrunar lausri. Það hefði verið fróðlegt að sjá hvar þeir hefðu endað ef það hefði verið almennileg fjöðrun í þessum bíl. Næstu í röðinni voru feðginin Sigurður / Elsa á Toyota Celica sem óku sinn vanalega hraða þ.e. þétt og öruggt. Nýliðarnir Aðalsteinn / Guðmundur á Evo6, sem var fluttur til landsins í vor, komu skemmtilega á óvart því þeir voru að sýna mjög góðan og yfirvegaðan akstur á mjög öflugum bíl og vel gert að skila sér alla leið í sinni fyrstu keppni.

Júlíus / Eyjólfur unnu 1600 flokkinn á sínum Honda Civic en stutt á eftir þeim komu Halldór / Ólafur á Toyota Corolla og var gaman að sjá mjög góða takta frá báðum þessum áhöfnum og verður gaman að sjá hvað þeir gera í sumar. Í jeppa flokknum voru það stelpurnar Ásta / Tinna á Cherokee sem enduðu fyrstar en hraðasta áhöfnin í jeppa flokknum vour bræðurnir Guðmundur / Hörður á Tomcat en þeir lentu í bilun á sjöundu leið og töpuðu þar u.þ.b. 15 mínútum EN án þess hefði hraði þeirra dugað þeim í 5. sætið. En svona er rall en ég verð að viðurkenna að það væri gaman að sjá þá bræður á hraðskreiðari bíl því þarna eru efni á ferð. Nítján áhafnir hófu keppni en einungis tíu luku keppni að þessu sinni.

Það sem mér fannst einna skemmtilegast við þetta rall var að það eru nokkrar áhafnir sem eru á mjög svipuðum tímum rétt á eftir fyrstu mönnum en þeir eru: Fylkir / Elvar, Jóhannes / Björgvin, Guðmundur / Lárus og Þórður / Jón en allar þessar áhafnir duttu reyndar út úr rallinu vegna tæknilegra bilanna.

Úrslit dagsins:

Sæti:	Ökumaður:	Aðstoðarökumaður:	Flokkur	Bifreið:	Samtals:
1	Jón B. Hrólfsson	Sæmundur Sæmundsson	N	MMC Lancer Evo7	0:51:08
2	Pétur S. Pétursson	Heimir S. Jónsson	N	MMC Lancer Evo6	0:51:39
3	Páll Harðarson	Aðalsteinn Símonarson	N	Subaru Impreza STI	0:58:18
4	Hilmar B. Þráinsson	Stefán Þ. Jónsson	2000	Honda Civic	1:00:42
5	Sígurður Ó. Gunnarsson	Elsa K. Sigurðardóttir	N	Toyota Celica GT-4	1:03:12
6	Aðalsteinn G. Jóhannsson	Guðmundur Þ. Jóhannsson	N	MMC Lancer Evo6	1:04:17
7	Júlíus Ævarsson	Eyjólfur Guðmundsson	1600	Honda Civic	1:04:27
8	Halldór Vilberg	Ólafur Tryggvason	1600	Toyota Corolla	1:04:53
9	Ásta Sigurðardóttir	Tinna Viðarsdóttir	J12	Jeep Cherokee	1.06:23
10	Guðmundur O. Mckinstry	Hörður D. Mckinstry	J12	Tomcat	1.17:14
	Þessir duttu út úr keppni
	Fylkir A. Jónsson	Elvar S. Jónsson	N	Subaru Impreza STI	Eldur
	Jóhannes V. Gunnarsson	Björgvin Benedikts	N	MMC Lancer Evo7	Bensíndæla
	Guðmundur Höskuldsson	Lárus R. Halldórsson	N	N Subaru Impreza	Mótor
	Þórður Bragason	Jón B. Sigurðsson	N	Mazda 323 4x4 Túrbó	Mótor
	Guðmundur S. Sigurðsson	Guðleif Ó. Árnadóttir	2000	Peugeot 306	Felguboltar
	Magnús Þórðarson	Bragi Þórðarson	1600	Toyota Corolla	Mótor
	Þorsteinn S. Mckinstry	Þórður A. Mckinstry	J12	Tomcat	Kúpling
	Marian Sigurðsson	Jón Þ. Jónsson	J12	Jeep Cherokee	Bensíndæla
	Örn R. Ingólfsson	Óskar Hreinsson	1600	Trabant 601L	Ræsti ekki

Fyrstu fréttir

Eftir fyrstu 3 leiðarnar voru nokkrar áhafnir dottnar út en þær eru.

Guðmundur og Lárus - Mótor

Þórður og Jón - ??

Guðmundur og Guðleif - felugboltar

Magnús og Bragi - mótor

Þorsteinn og Andri - Kúpling

Dali - ??

Eftir því sem ég best veit voru Jón Bjarni og Sæmundur í fyrsta sæti eftir seinni ferðina um Lyngdalsheiði, Pétur og Heimir í öðru og Fylkir og Elvar í því þriðja.

Meira bráðum

Vorrallið

Þá er komið að því. Fyrsta umferð íslandsmótsins í rallakstri fer fram á laugardaginn og verður ekið á leiðum í kringum Þingvelli en byrjað verður á leið um Hengilinn, svo verður ekið um Lyngdalsheiði og því næst verða eknar leiðir um Tröllháls og Uxahryggi en endað verður með sérleið um Hengilinn og annari um Gufunes en þar gefst áhorfendum gott tækifæri til að horfa á bílanna á lokaleiðinni.

20 áhafnir eru skráðar til leiks (9 stykki 4x4 túrbó bílar, 6 eindrifsbílar og 5 jeppar) og  og er greinilegt að það verður hörkuslagur um fyrsta sætið í þessu ralli því nokkuð óvænt mæta Pétur og Heimir á sínum Evo6 en fyrirfram var ekki búist við að þeir yrðu með í sumar. Þessir drengir voru spútníkarnir í fyrra og til alls líklegir. Jón Bjarni mætir með nýjan aðstoðarökumann, Sæmund Sæmundsson, og er við því að búast að það taka þá smá tíma að slípast saman og að það komi niður á tímum þeirra en Evo7 bíll þeirra er einn öflugasti bíll landsins. Bræðurnir Fylkir og Elvar mæta á sínum Subaru með nýja vél og eru víst með fleiri hestöfl núna en voru í boði í fyrra og hefur Fylkir lýst því yfir að hann ætli sér titil í sumar og verður gaman að sjá hvað þeir gera í þessu ralli. Jóhannes og Björgin mæta á sínum Evo7 og verður fróðlegt að sjá hvaða hraða þeir bjóða uppá í ár en ekki er hægt að segja annað en að síðasta ár hafi verið mikil vonbrigði fyrir þá en Jóhannes barðist við eymsli í baka allt síðasta ár og vona ég að við sjáum meiri hraða í ár frá þeim. Næstir í röðinni verða Guðmumdur og Lárus á Subaru Impreza en þessi bíll er ekki með jafn mikið vélarafl (reyndar langt frá því) og bílarnir á undan en Guðmundur er hraður og á ég von á góðum tímum frá þeim félögum. Páll og Aðalsteinn koma næstir á sínum Subaru en þessi bíll er smíðaður af Tommi Makinen racing í Finlandi í fyrra og er þetta öflugasti bíllinn í flotanum en bæði Páll og Aðalsteinn voru búnir að vera lengi í frí frá rallakstri og sást það á tímum þeirra í fyrra en nú er búist við meiri hraða frá þeim en víst er að þessi bíll bíður uppá mun meiri hraða en sást til hans í fyrra. Mazda 323 er ekki algengur rallbíll hér á landi en þórður og Jón mæta á einum slíkum sem er "aðeins" 23 ára gamall og hefur ekki sést mikið í keppni þrátt fyrir að bíllinn sé búinn að vera hér á landi í 10 ár en Þórður var í miklu basli með bílinn í fyrra þar sem allt bilaði sem gat bilað og voru menn farnir að grínast með hvort bíllinn kæmist yfirleit útúr bílskúrnum áður en eitthvað nýtt bilaði. Þessi bíll er skemmtileg viðbót við 4x4 flóruna hérna þó ekki sé viðbúið að bíllinn vinni keppnir en það má geta þess að ýmistlegt í þessum bíl er vant að vinna enda eru margir íhlutir í bílnum úr frægum bíl sem feðgarnir Rúnar og Jón kepptu á í gamla daga. Feðginin Sigurður Óli og Elsa mæta á sínum trausta Toyota bíl en ég held hreinlega að verði hætt að keppa í ralli á Íslandi þegar Siggi Síðasti hættir að keppa... Það eru nýliðar sem koma þessu næst í þessari upptalningu en þeir Aðalsteinn og Guðmundur mæta á Evo6 sem kom til landsins í vetur en eins og áður segir þá eru þetta nýliðar og því algjörlega óskrifað blað en þeirra stærsti sigur yrði að komast í gegnum þessa keppni með óskaddaðan bíl. 

Í 2000 flokknum eru bara tveir bílar skráðir og en fyrirfram er ljóst að Guðmundur Snorri og Guðleif sem aka Peugeot 306 eiga erfitt verkefni fyrir höndum ef þau ætla að slást við Hilmar og Stefán á Hondunni því Hilmar er afar fljótur ökumaður og mikill reynslu bolti. Það má búast við mun meiri keppni í 1600 flokknum er þar eru nokkrir ökumenn sem koma allir til greina sem sigurvegarar í þessari keppni en þeir Júlíus og Eyjólfur á Honda eru fyrstir í rásröð af þessum keppendum en þeir eru nýliðar alveg eins og Halldór Vilberg og Ólafur sem eru á Toyota Corolla. Tvær áhafnir í 1600 flokknum erum með fyrri reynslu en það eru bræðurnir Magnús og Bragi á Toyota sem voru oft á tíðum að sýna góða takta í fyrra en Magnús verður 18 ára á árinu og held að ég sé ekki að ljúga neina þegar ég segi að Bragi verði 16 ára á árinu en það sama verður ekki sagt um hina áhöfnina sem er með reynslu þar er Örn (Dali) hefur keppt frá upphafi ralls á Íslandi sem ég held að hafi verið árið 1974 en mér var sagt að keppt væri í ár til að fagna viðhafnarafmæli keppnisbílsins sem er Trabant 601L.

Jeppaflokkurinn verður ekki síður spennandi en Tomcat feðgarnir (Þorsteinn, Þórður Andri, Guðmundur Orri og Hörður Darri) mæta til leiks að þessu sinni en ekki sást mikið til þeirra í fyrra en þessi keppni er sennilega hluti af undirbúningi þeirra fyrir Cross Country keppni sem haldin verður síðar á þessu ári en búast má við góðum hraða frá Guðmundi og Herði og ljóst að Marian og Jón Þór þurfa að halda sig við efnið ef þeir ætla sér sigur á sínum Cherokee jeppa. Konurnar mæta einnig á Cherokee í jeppaflokkinn en Ásta mætir með nýjan aðstoðarökumann, Tinnu, og verður fróðlegt að sjá hvort þær blandi sér ekki bara í toppslaginn í jeppaflokknum og gefi þessu drengjum ekki eitthvað til að hugsa um. Orðrómur er um að í jeppaflokkinn bætist einnig einn Toyota Hilux og að það muni verði Daníel Sigurðsson sem muni aka honum en þetta er enn óstaðfest.

Hérna er staðfest rásröð:

1	2	Pétur S. Pétursson/Heimir Snær Jónsson	MMC Evo VI	N
2	3	Jón B. Hrólfsson/Sæmundur Sæmundsson	MMC Evo VII	N
3	5	Fylkir A. Jónsson/Elvar Jónsson	Subaru Sti	N
4	8	Jóhannes V. Gunnarsson/Björgvin Benediktsson	MMC Evo VII	N
5	15	Guðmundur Höskuldsson/Lárus Rafn Halldórsson	Subaru Impreza	N
6	7	Páll Harðarson/Aðalsteinn Símonarson	Subaru Sti	N
7	17	Þórður Bragason/Jón B. Sigurðson	Mazda 323	N
8	9	Sigurður Óli Gunnarsson/Elsa K. Sigurðardóttir	Toyota Celica	N
9	18	Aðalsteinn G. Jóhannsson/Guðmundur Þór Jóhannsson	MMC Evo VI	N
10	10	Hilmar B. Þráinsson/Stefán Þór Jónsson	Honda Civic	2000
11	12	Guðmundur S. Sigurðsson/Guðleif Ósk Árnadóttir	Peugeot 306	2000
12	19	Júlíus Ævarsson/Eyjólfur Guðmundsson	Honda Civic	1600
13	20	Magnús Þórðarson/Bragi Þórðarson	Toyota Corolla	1600
14	21	Halldór Vilberg/Ólafur Tryggvason	Toyota Corolla	1600
15	22	Guðmundur O. Mckinstry/Hörður Darri Mckinstry	Tomcat	J12
16	23	Þorsteinn S. Mckinstry/Þórður Andri Mckinstry	Tomcat	J12
17	6	Marian Sigurðsson/Jón Þór Jónsson	Jeep Cherokee	J12
18	24	Ásta Sigurðardóttir/Tinna Viðarsdóttir	Jeep Grand	J12
19	25	Örn R. Ingólfsson/Óskar Hreinsson	Trabant 601L	1600

Tímamaster rallsins er svona:

		Vegur	Vegur	Fyrsti
SS	Name	Lokar	Opnar	bíll
	Laugardagurinn 16. maí
1	Hengill N -  5 km	07:30	09:00	08:00
2	Lyngdalsheiði austur  - 14 km	08:00	11:00	08:50
3	Lyngdalsheiði vestur - 14 km	08:00	11:00	09:50
4	Tröllháls N - 7 km	10:15	16:00	10:50
5	Uxahryggir V - 15 km	10:15	16:00	11:15
6	Uxahryggir A - 15 km	10:15	16:00	12:10
7	Uxahryggir V - 15 km	10:15	16:00	13:15
8	Uxahryggir A - 15 km	10:15	16:00	14:10
9	Tröllháls S - 7 km	10:15	16:00	14:45
10	Hengill S - 5 km	15:40	16:30	15:40
11	Gufunes - 3 km	15:30	17:30	16:30

Meeke tekur forystuna í IRC

Kris Meeke (Peugeot) kom, sá og sigraði í fjórðu umferð IRC sem fram fór um helgina á Azor eyjum. Rallinu sem fram fór á möl var stýrt allan tímann af Meeke og voru aðrir ökumenn einhvern veginn ekki stöðu til að sækja að honum. Sá sem var líklegastur til að skáka Meeke fyrirfram var finninn Hanninen en féll fljót úr leik eftir að hann braut felgu undir Skodanum sínum og tapaði miklum tíma í framhaldinu. Það kom samt ekki í veg fyrir að ökumaður nr. 2 hjá Skoda, Kopecky, tryggði sér annað sætið í þessu ralli en það merkilega við það er að hann er mun færari á malbiki en möl. IRC meistari síðasta árs tók þriðja sætið og í fjórða sætinu varð Loix en þessi árangur nægir honum ekki til að halda forystunni í stigakeppni ökumanna. Loix náði reyndar bara fjórða sætinu á næst síðustu leið þegar Alen keyrði útaf og missti við það afar mikilvæg stig fyrir Abarth liðið en eins og á síðasta ári virðist ekkert ganga upp hjá Fiat Abarth liðinu og eru þeir engan veginn ná þeim árangri sem þeir ættu að vera að ná. Í fimmta sætinu er heimamaðurinn Peres á Mitsubishi og á eftir honum er Wittmann frá Austurríki einnig á Mitsubishi og slær við WRC ökumanninum Rautenbach með 2,6 sekúndum og fór eins ég átti von á að Rautenbach myndi ekki verða ofarlega í þessu ralli.

Lokastaðan í rallinu:

1	Meeke	Peugeot 207 S2000	2.36.48.3
2	Kopecky	Skoda Fabia S2000	+53.1
3	Vouilloz	Peugeot 207 S2000	+1.04.8
4	Loix	Peugeot 207 S2000	+2.15.2
5	Peres	Mitsubishi Lancer Evo9	+4.45.2
6	Wittmann	Mitsubishi Lancer Evo9	+5.33.2
7	Rautenbach	Peugeot 207 S2000	+5.35.8
8	Moura	Mitsubishi Lancer Evo9	+5.41.3
9	Magalhaes	Peugeot 207 S2000	+7.03.5
10	Sousa	Fiat Punto S2000	+8.13.8

Staða efstu manna eftir þessa keppni:

1	Meeke	Bretland	Peugeot	20
2	Loix	Belgia	Peugeot	18
3	Vouilloz	Frakkland	Peugeot	14
4	Kopecky	Tékkland	Skoda	13
5	Ogier	Frakkland	Peugeot	10
5	Basso	Italia	Fiat	10
5	Tundo	Kenya	Mitsubishi	10

Maurin og Volkswagen kláruðu ekki þetta rall

Rallye Acores - fjórða umferð IRC

Þá er komið að næstu umferð í IRC en að þessu sinni spreyta ökumenn sig á malarvegum Portúgölsku Azor eyjanna en þær eru nálægt Gran Canaria, rétt útaf ströndum Marókkó. Keppnin fer fram 7.-9. maí næstkomandi og eru allir helstu keppendurnir skráðir leiks og eru t.d. 12 stykki Super 2000 bílar skráðir ásamt nokkrum mjög fljótum ökumönnum á grúbbu N bílum. Reikna má með að Kris Meeke mæti mjög sterkur til leiks eftir að hafa unnið síðasta rall fyrir Peugeot sem fór fram í Braselíu en hann er einnig ný búinn með 400 km test í Frakklandi þar sem unnið var að bættri fjöðrun í Peugeot bílnum. Fiat mæta einnig einbeittir til leiks en þeir þurfa að vinna niður forskot Peugeot í keppni framleiðenda og eru það Anton Alen og Giandomenico Basso sem halda Fiat fánanum á lofti. Fyrir Skoda eru það Juha Hanninen og Jan Kopecky sem stýra þeirra bílum og má búast við miklum hraða á þeim og kanski sérstaklega af Hanninen enda held ég að þar fari einn af betri ökumönnum samtímans. Meistari síðast árs, Nicolas Voiloz, ásamt sínum liðsfélaga, Freddy Loix, hjá Peugeot Belgium liðinu verða alveg örugglega í toppslagnum einnig og á ég von á að "fast Freddy" verði með efstu mönnum en hann leiðir IRC stigakeppnina. Einn ökumaður sem hefur verið að keppa í WRC mætir í þessa keppni en það er Conrad Rautenbach og er hann þriðji í rásröð en einhverra hluta vegna á ég ekki von á að hann verði hraður í þessu ralli.

Heimamennirnir Magalhaes, Moura, Pascoal, Lopes og Sousa koma til með að verja heiður Portúgals en ólíklegt að þeir standi uppi sem sigurvegarar því slagurinn er harður á milli topp ökumannanna. Rétt er að geta þess að Volkswagen mætir að þessu sinni með einn bíl en honum stýrir frakkinn Julien Aurin en hann þekki ég ekki. VW er búið að gefa út að þeir ætli loksins að styðja fyrir alvöru við bakið á Rene Georges Rallysport sem hefur þróað þennan bíl síðustu tvö ár nánast á eiginn reikning. Þetta er fyrsta keppni VW á þessu ári en þeir tóku einungis þátt í nokkrum keppnum. Uppi var orðrómur um að Proton myndi mæta með bíl í þessa keppni en eftir að bíll Guy Wilks brann í Pirelli international Rally (sjá eldri umfjöllun) þá hættu þeir við en búast má við bíl frá þeim í Ypres rallinu sem fer fram 18.-20. júní í Belgíu.

Efstu menn í rásröð eru:

1	Juho Hanninen	Skoda Fabia S2000
2	Giandomenico Basso	Fiat Punto S2000
3	Conrad Rautenbach	Peugeot 207 S2000
4	Bruno Magalhaes	Peugeot 207 S2000
5	Ricardo Moura	Mitsubishi Lancer Evo9
6	Freddy Loix	Peugeot 207 S2000
7	Kris Meeke	Peugeot 207 S2000
8	Nicolas Vouilloz	Peugeot 207 S2000
9	Jan Kopecky	Skoda Fabia S2000
10	Anton Alen	Fiat Punto S2000
11	Franz Wittman	Mitsubishi Lancer Evo9
12	Julien Aurin	VW Polo S2000
13	Vitor Pascoal	Peugeot 207 S2000
14	Adruzilo Lopes	Subaru Impreza N14
15	Fernando Peres	Mitsubishi Lancer Evo9
16	Bernardo Sousa	Fiat Punto S2000

 

Tvöfaldur sigur hjá Citroen liðinu

Loeb vann Argentínu rallið í gær og liðsfélagi hans hjá Citroen, Dani Sordo, varð annar. Með þessum árangri er Loeb kominn með 19 stiga forskot á Sordo og 20 stig á aðal keppinaut sinn, Mikko Hirvonen, hjá Ford liðinu en Hirvonen féll úr leik á laugardaginn með bilaðan mótor í Focusinum. Þessi sigur hjá Citroen liðinu skilar þeim einnig 39 stiga forystu í keppni framleiðenda og verður ekki annað sagt en að það verður þungur róðurinn fyrir Ford liðið að vega þetta upp. Í þriðja sæti varð Henning Solberg en hann og Matthew Wilson eru að skila inn dýrmætum stigum í þessari keppni fyrir Stobart liðið og eins er Federico Villagra að sækja dýrmæt stig fyrir Munchi liðið (væri gaman að vera með Kjörís-liðið í heimsmeistarkeppnini?) en Munchi er Argentínskur ísframleiðandi! Latvala og Ogier ásamt P-WRC ökumanninum Al-Attiyah krækja sér svo í síðustu stigin sem voru í boði fyrir ökumenn. Næsta keppni fer fram á malarvegum Sardeníu og því erfitt verkefni framundan fyrir Ford liðið ef þeir ætla sér að vera í einhverjum titilslag í lok árs.

Lokastaðan í Argentínurallinu:

1.	Sebastien LOEB	Citroen C4 WRC09	3:57:40.3	0.0	0.0
2.	Dani SORDO	Citroen C4 WRC09	3:58:53.4	+1:13.1	+1:13.1
3.	Henning SOLBERG	Ford Focus WRC08	4:01:44.4	+2:51.0	+4:04.1
4.	Federico VILLAGRA	Ford Focus WRC08	4:03:40.0	+1:55.6	+5:59.7
5.	Matthew WILSON	Ford Focus WRC08	4:03:51.2	+11.2	+6:10.9
6.	Jari-Matti LATVALA	Ford Focus WRC09	4:07:30.3	+3:39.1	+9:50.0
7.	Sebastien OGIER	Citroen C4 WRC08	4:18:35.4	+11:05.1	+20:55.1
8.	Nasser AL-ATTIYAH	Subaru Impreza N14	4:20:51.9	+2:16.5	+23:11.6

Nasser Al-Attiyah hafði betur í slagnum um sigur við Marcos Ligato og er þetta fyrsti sigur Al-Attiyah á þessu ári en hann varð heimsmeistari í P-WRC árið 2006. Með þessum sigri færist Al-attiyah uppí annað sætið í stigakeppni P-WRC, einu stigi á eftir Armundo Araujo. Þriðji í þessari keppni varð Toshi Arai frá Japan og er hann annar fyrrverandi meistari í P-WRC en Arai átti í miklum vandræðum með bíl sinn í þessari keppni og því heppinn að hafa klárað þriðji.

 

Lokastaðan í P-WRC:

1.	Nasser AL-ATTIYAH	Subaru Impreza N14	4:20:51.9	0.0	0.0
2.	Marcos LIGATO	Mitsubishi Lancer EvoX	4:23:04.8	+2:12.9	+2:12.9
3.	Toshi ARAI	Subaru Impreza N14	4:27:27.9	+4:23.1	+6:36.0

Petter Solberg fallinn úr keppni.

Petter Solberg er dottinn út með ónógan bensín þrýsting og Jari-Matti Latvala tapar 8 mínútum vegna svipaðs vandamáls.

Loeb er rétt við að tryggja sér enn einn sigurinn og með liðsfélaga sinn, Dani Sordo, hjá Citroen liðinu í öðru sætinu. Henning Solberg er í þriðja sætinu.

Loeb leiðir fyrir lokadaginn

Eftir hörkuslag í gær þá er Loeb kominn með allnokkra forystu eftir að Hirvonen féll úr leik í gær með hitavandamál í Fordinum. Með þessu brottfalli lýkur einstökum árangri Hirvonens en hann hefur skorað stig í 22 keppnum í röð eða síðan í Japan í október 2007. Nú er það Dani Sordo sem heldur öðru sætinu fyrir Citroen en Latvala er þriðji og ólíklegt að hann sæki að Sordo heldur haldi sínu sæti því nú er afar mikilvægt að hann klári til að forskot Citroen í keppni framleiðenda verði ekki of mikið. Petter Solberg er nokkuð öruggur í fjórða sætinu og vonast hann líklegast til að einhver af þremenningunum á undan honum lendi í vandræðum svo hann færist ofar. Eini slagurinn sem er í kortunum er slagurinn á milli Villagra og Wilson um 6. sætið en 18 sekúndum munar á þessum tveim.

Staðan fyrir lokadaginn:

1.	Sebastien LOEB	Citroen C4 WRC09	3:26:03.7	0.0	0.0
2.	Dani SORDO	Citroen C4 WRC09	3:27:02.3	+58.6	+58.6
3.	Jari-Matti LATVALA	Ford Focus WRC09	3:27:43.8	+41.5	+1:40.1
4.	Petter SOLBERG	Citroen Xsara WRC06	3:28:44.0	+1:00.2	+2:40.3
5.	Henning SOLBERG	Ford Focus WRC08	3:29:27.7	+43.7	+3:24.0
6.	Federico VILLAGRA	Ford Focus WRC08	3:31:12.7	+1:45.0	+5:09.0
7.	Matthew WILSON	Ford Focus WRC08	3:31:30.7	+18.0	+5:27.0
8.	Nasser AL-ATTIYAH	Subaru Impreza N14	3:45:48.7	+14:18.0	+19:45.0

Það er Nasser Al-Attiyah sem leiðir í P-WRC en lengi vel í gær var það heimamaðurinn Marcus Ligato sem leiddi á sínum EvoX en eftir vökvastýrisvandamál hjá honum er það Al-Attiyah sem leiðir eins og fyrr sagði en mikill munur er á milli manna eftir gærdaginn og því einungis bilanir eða útafakstur sem mun breyta röð efstu manna í P-WRC. Norðmaður Eyvind Brynildsen er í 5.sæti rúmum 30 mínútum á eftir fyrsta manni en vandræði hans hafa verið ótrúleg og byrjuðu með því að bíll hans var sendur fyrir mistök til Braselíu en ekki Argentínu og varð hann að leigja bíl frá staðarliði en sá bíll er alls ekki í sömu gæðum og hans eiginn bíll.

Staðan í P-WRC fyrir lokadaginn:

1.	Nasser AL-ATTIYAH	Subaru Impreza N14	3:45:48.7	0.0	0.0
2.	Marcos LIGATO	Mitsubishi Lancer EvoX	3:48:15.6	+2:26.9	+2:26.9
3.	Toshi ARAI	Subaru Impreza N14	3:52:40.0	+4:24.4	+6:51.3

Petter Solberg hefur átt góða keppni í Argentínu.