Col de Turini

Hérna er in-car á hinni frægu Col de Turini leið sem ekin verður í myrkri í næstu viku þegar IRC byrjar með Monte Carlo rallinu.

Árið 2002, bíllinn er Citroen Xsara WRC, ökumaðurinn er Sebastien Loeb  og Daniel Elena skaffar röddina..

http://www.motorsportmad.com/view/1506/loeb-in-car-col-de-turini-classic

 

Eitt í viðbót

Maður sér svo ekki svona inná leið í dag..  http://www.motorsportmad.com/view/3252/now-this-was-real-rallying

Petter Solberg á Citroen C4 WRC...

Mjög sterkur orðrómur er um að Petter Solberg sé búinn að festa samning við Citroen um að keyra fyrir þá í Rally Norway í febrúar og mun hann keppa við hlið Loeb í Citroen liðinu. Opið er inná að hann keyri fleiri keppnir en þessar fyrir Citroen liðið. Keppnishaldarar norska rallsins voru búnir að gefa Petter aukaviku til að klára sína vinnu en almennur skráningarfrestur fyrir  norska rallið rann út 6. janúar og verður því þessi frétt staðfest fljótlega. Þetta getur því haft breytingar í för fyrir Dani Sordo en almennt er talið að hann muni eftir sem áður verða fyrir valinu hjá Citroen þegar kemur að malbikskeppnunum síðar á árinu ásamt auðvitað írska rallinu síðar í þessum mánuði.

 14.1.2008 Ekki var orðrómurinn alveg réttur en samt....

Petter verður ekki hluti af Citroen liðinu heldur tók hann sig til og keypti Citroen Xsara WRC af verksmiðjuliði Citroen ásamt duglegum varahlutapakka sem meðal annars inniheldur 2 vélar og 2 gírkassa. Fróðlegt verður að sjá hvar hann verður í rásröð og hvernig honum gengur á þessum bíl sem gerður verður út af Petter Solberg rallying... 

Rally Ireland 2007

Hérna eru rúmar 50 mínútur í upprifjun á hvernig rallið var þegar WRC sirkusinn kom first til Írlands.

http://www.motorsportmad.com/view/6505/rally-ireland-2007-full-review

Monte Carlo rallið - Rásröð

Nú styttist í að Monte Carlo rallið byrji en rallið stendur yfir dagana 21. - 24. janúar næstkomandi. Fyrstur  ræsir meistari síðasta árs, frakkinn Nicolas Vouilloz en hann ekur ásamt belganum Freddy Loix fyrir Peugoet Belgíu liðið og er það Kronos racing sem gerir út bílanna fyrir þá. Ökumenn sem vert verður að hafa augun á eru að auki finnarnir Juho Hanninen (Skoda) og Toni Gardemeister (Fiat) en Gardemeister ók fyrir Suzuki í WRC á síðasta ári og hefur margoft náð góðum árangri í Monte Carlo rallinu. Ekki er hægt að útiloka góðan árangur hjá ítölunum snjöllu Basso og Rossetti en báðir aka þeir fyrir Abarth liðið en hafa ekki áður keppt í Monte Carlo. Skemmtilegt er að sjá gamla jaxla mæta aftur og á það við Didier Auriol sem keppir á Peugeot 207 S2000 en hann var heimsmeistari í ralli árið 1994 og mætir hér sér til skemmtunar - ræsir samt sem 8. bíll þannig eitthvað lifir enn í gömlum glæðum. Eins og oft áður á veður og dekkjaval eftir að spila mikið inní endanleg úrslit og verður einnig fróðlegt að sjá hvernig mönnum reiðir af á leiðunum sem eknar verða í myrkri og verður t.d. ekið í tvígang um hina frægu leið um Col di Torini, bæði skiptin í myrkri.

Hérna er rásröðin á fyrstu bílunum í Monte Carlo rallinu:

1	VOUILLOZ Nicolas (FRA)	PEUGEOT 207 S2000	N 4
2	BASSO Giandomenico (ITA)	ABARTH Grande Punto S2000	N 4
3	HANNINEN Juho (FIN)	SKODA Fabia S2000	N 4
4	LOIX Freddy (BEL)	PEUGEOT 207 S2000	N 4
5	ROSSETTI Luca (ITA)	ABARTH Grande Punto S2000	N 4
6	KOPECKY Jan (CZE)	SKODA Fabia S2000	N 4
7	SARRAZIN Stéphane (FRA)	PEUGEOT 207 S2000	N 4
8	AURIOL Didier (FRA)	PEUGEOT 207 S2000	N 4
9	TBN - BF Goodrich driver	PEUGEOT 207 S2000	N 4
10	GARDEMEISTER Toni (FIN)	FIAT Grande Punto S2000	N 4
11	ALEN Anton (FIN)	ABARTH Grande Punto S2000	N 4
12	MEEKE Kris (GBR)	PEUGEOT 207 S2000	N 4

13/1 2009: BF Goodrich ökumaðurinn að þessu sinni verður frakkinn ungi Sebastien Ogier #9.

43 áhafnir skráðar í Rally Írland

Birtur hefur verið listinn með rásröðinni fyrir Írska rallið sem byrjar 29. janúar næstkomandi. 43 áhafnir eru skráðar til leiks og eru þar af 21 WRC bíll.

Fyrstir verða að sjálfsögðu heimsmeistaranir Sebastien Loeb og Daniel Elena  á Citroen C4 WRC og næstir á eftir þeim verður liðsfélagin þeirra Dani Sordo en fyrir Junior lið Citroen verða þeir Sebastien Ogier og Chris Atkinson sem keppa að stigum. Hjá Ford verða það Mikko Hirvonen og Jari-Matti Latvala sem leiða baráttuna gegn Citroen en hjá Stobart liðinu verða það Matthew Wilson og eistlendingurinn Urmo Aava sem keppa að stigum, allvega í þessari keppni en athygli vekur að Aava ók fyrir Citroen á síðasta ári. 9 Írskir ökumenn eru á WRC bílum og þar af eru 3 úr sömu fjöslkyldunni, Austin McHale(faðirinn), Gareth McHale og Austin McHale. 8 bílar eru skráðir J-WRC.

Hérna er röðin á fyrstu bílunum:

1 Sebastien Loeb	Citroen World Rally Team		Citroen C4 WRC
2 Dani Sordo	Citroen World Rally Team		Citroen C4 WRC
3 Mikko Hirvonen	Ford World Rally Team		Ford Focus WRC08
4 Jari-Matti Latvala	Ford World Rally Team		Ford Focus WRC08
5 Matthew Wilson	Stobart Ford Rally Team		Ford Focus WRC08
6 Urmo Aava	Stobart Ford Rally Team		Ford Focus WRC08
7 Sebastien Ogier	Citroen Junior Rally Team		Citroen C4 WRC
8 Chris Atkinson	Citroen Junior Rally Team		Citroen C4 WRC
9 Khalid Al Qassimi	Ford World Rally Team		Ford Focus WRC08
10 Henning Solberg	Stobart Ford Rally Team		Ford Focus WRC08
11 Conrad Rautenbach	Citroen Junior Rally Team		Citroen C4 WRC

Velta ársins 2008?

 

 Fyrir ....

Ég hef alltaf sagt að Kaninn sé klikk og daninn dúm en þetta toppar allt sem ég hef séð

http://www.motorsportmad.com/view/5847/rally-crash-of-the-year-2008

Og svo er sá gamli bara rólegur yfir þessu...

Myndir

Núna eru komnar inn myndir frá Kumho rallinu 1990 í myndasafnið og næstu dögum fjölgar myndaalbúmunum með gömlum og góðum myndum sem ég er búinn að skanna inn.

Hérna eru sýnishorn af því sem koma skal:

Petter Solberg með eigið lið ?

Petter Solberg vinnur að því að vera með eigið lið í heimsmeistarakeppninni í ár. Á heimasíðu hans er tilkynning um að hann sé nú laus allra skuldbindinga við Subaru og geti því keppt á hverjum þeim bíl sem hann velur en Petter var með samning við Subaru en ekki Prodrive. Stefnt er að allir lausir endar verði orðnir hníttir fyrir lokun skráningar í Norska rallið sem fer fram í febrúar og skírist þá einnig hversu margar umferðir það verða sem hann ekur. Meira um það síðar.

Tilkynningin á síðu Petter Solberg er svohljóðandi: 

“Petter Solberg and Subaru have agreed that Petter Solberg is free to enter any brand of the car he elects for participation in the WRC in 2009 and beyond.

Petter Solberg will use the nearest future to sort out the possibilities to re-enter the WRC for 2009.” 

Citroen með tvö lið á næsta ári...

Citroen hefur staðfest að það verði með junior lið, svokallað M2 lið, á næsta ári. Ökumenn verða Simbavemaðurinn Conrad Rautenbach sem ekur allar 12 umferðir næsta árs, rússinn ungi Evgeny Novikov sem ekur átta umferðir og frakkinn Sebastien Ogier sem tekur allvega þátt í sex umferðum. Ásinn hjá þessu liði verður allvega í fyrstu keppni ársins, Rally Irland, fyrrum Subaruökumaðurinn Chris Atkinson sem staðfestur er eingöngu í þessa fyrstu keppni, allavegana til að byrja með.

M2 lið verður að vera með tvo bíla í 8 keppnum að lágmarki og er Citrieon hér með lið sem er sambærilegt við Stobart liðið hjá Ford og er þetta ánægjulegt eftir að bæði Suzuki og Subaru hafa hætt við keppni í WRC á næsta ári og verða því átta lið sem keppa á næsta ári þó að einungis tveir framleiðendur séu að taka þátt.

Enn hefur ekkert heyrst frá Petter Solberg um hvað hann geri á næsta ári en það verður stöðugt líklegra að hann verði á hliðarlínunni á næsta keppnistímabili.

Citroen og Ford staðfesta 2009

Bæði verksmiðjulið Citroen og Ford hafa staðfest þátttöku sína í WRC á næsta ári og bæði lið gefið út yfirlýsingar um það. Citroen gerir enn betur og tilkkynnir að Sebastien Ogier verði ökumaður á þriðja bílnum hjá þeim og munu hann keppa 6 keppnir á tímabilinu janúar - mai og byrjar hann því strax í fyrstu keppni á Írlandi núna í janúar. EF vel gengur þessum 6 keppnum er opin möguleiki á að bæta við keppnum!

6 keppnir fyrir Ogier á næsta ári