Korsíka - Loeb leiðir

Eftir fyrstu 3 leiðar dagsins er Loeb í forystu, Hirvonen annar og Duval þriðji. Sordo keyrði útaf eftir ca. 700 metra á þriðju leið og verður því ekki meira með í dag en þetta setur strik í reikninginn fyrir Citroen liðið sem hefði annars getað tryggt sér titil framleiðenda í þessari keppni ef ökumenn þeirra hefðu náð 1-2 árangri í þessari keppni. Annars er svona staða efstu manna.

 

 

 

1.	1	Sebastien LOEB	M	34:40.7	0.0	0.0
2.	3	Mikko HIRVONEN	M	34:55.1	+14.4	+14.4
3.	4	François DUVAL	M	34:57.3	+2.2	+16.6
4.	5	Petter SOLBERG	M	35:17.0	+19.7	+36.3
5.	8	Jari Matti LATVALA	M	35:17.1	+0.1	+36.4
6.	6	Chris ATKINSON	M	35:19.3	+2.2	+38.6
7.	11	Toni GARDEMEISTER	M	36:20.7	+1:01.4	+1:40.0
8.	12	Per Gunnar ANDERSSON	M	36:26.0	+5.3	+1:45.3
9.	14	Brice TIRABASSI		36:28.2	+2.2	+1:47.5
10.	24	Conrad RAUTENBACH		36:30.5	+2.3	+1:49.8

Korsíka - shakedown

Francois Duval (Ford) er með skýr skilaboð til Citroen liðsins eftir lokaundirbúning keppnisliðanna fyrir Korsíkurallið. " Ég er hér til að vinna" segir Duval og vill með því skáka Citroen liðinu sem hefur nánast verið ósnertanlegt á malbiki hingað til. Mikið liggur undir því ef Loeb sigrar hér og Hirvonen verður neðar en 6. þá er Loeb búinn að tryggja sér titil ökumanna en auk þess þarf Ford nauðsynlega að minka bilið í Citroen í keppni framleiðanda. Búast má því við hörkuslag í þessari keppni og verður fróðlegt að fylgjast með tímum á morgun.

 

Tímar í shakedown:

1. Duval - Ford Focus WRC08:                 3:44.9
2. Loeb - Citroen C4 WRC:                      3:45.1
3. Sordo - Citroen C4 WRC:                     3:45.6
4. Hirvonen - Ford Focus WRC08:            3:46.5
5. Aava - Citroen C4 WRC:                       3:47.3
6. Mikkelsen - Ford Focus WRC07:           3:47.6
7. P. Solberg - Subaru Impreza WRC08:   3:48.3
8. Tirabassi - Subaru Impreza WRC08:    3:49.5
9. Wilson - Ford Focus WRC07:                3:49.8
10. H. Solberg - Ford Focus WRC07:        3:49.9
11. Atkinson - Subaru Impreza WRC08:   3:50.1

WRC - Spánn

Fyrr í dag sigraði Sebastian Loeb Spánarrallið og var þetta allt frá byrjun mjög öruggt hjá honum en í öðru sæti endaði liðsfélagi hans, Dani Sordo. Hirvonen erfði þriðja sætið eftir að Duval hægði á sér á síðustu leið til að hleypa honum fram úr. Allnokkuð á eftir þessum fjórum kom svo Petter Solberg á Subaru en hann var í hörkuslag um fimmta sætið í allan dag við eistlendinginn Umo Aava sem keppir á Citroen. Aava lenti hins vegar í bilun á næst síðustu leið og lauk ekki keppni.

 

Úrslit rallsins voru eftirfarandi:

1.	Sébastien LOEB	Citroen C4	3:21:17.4	0.0
2.	Daniel SORDO	Citroen C4	3:21:42.3	+24.9
3.	Mikko HIRVONEN	Ford Focus WRC08	3:22:19.9	+1:02.5
4.	François DUVAL	Ford Focus WRC08	3:22:28.2	+1:10.8
5.	Petter SOLBERG	Subaru Impreza WRC08	3:24:44.8	+3:27.4
6.	Jari-Matti LATVALA	Ford Focus WRC07	3:25:21.2	+4:03.8
7.	Chris ATKINSON	Subaru Impreza WRC08	3:25:22.3	+4:04.9
8.	Andreas MIKKELSEN	Ford Focus WRC07	3:26:37.0	+5:19.6
9.	Matthew WILSON	Ford Focus WRC07	3:29:00.6	+7:43.2
10.	Brice TIRABASSI	Subaru Impreza WRC08	3:30:22.4	+9:05.0

Eftir þessa keppni er staðan svona í stigakeppni ökumanna:

Sébastien LOEB	96
Mikko HIRVONEN	84
Daniel SORDO	59
Chris ATKINSON	42
Jari-Matti LATVALA	37
Petter SOLBERG	36

Keppni framleiðenda er svona:

1.	CITROEN TOTAL WRT	159
2.	BP FORD ABU DHABI WORLD RALLY TEAM	132
3.	SUBARU WORLD RALLY TEAM	80

Næsta keppni fer fram eftir viku á eyjunni Korsíku en þar er keppt aftur á malbiki eins og á Spáni.

Haustrallið - keppnin sjálf

Eftir að hafa eitt megninu af síðustu viku í undirbúning fyrir þetta rall þá mætti maður frekar lítið sofinn í þetta rall en öllu föstudagskvöldinu var eitt í að skítredda hægri afturfjöðruninni á bílnum, en við reynsluakstur á fimmtudeginum kom í ljós að demparinn hægrameginn að aftan var kengboginn og því góð ráð dýr þar sem ekki var neinn varadempari til skiptanna! Ingvar stórsnillingur tók sig til og  skellti demparanum í legupressuna og rétt hann hreinlega og var því lagt af stað á laugardeginum með krosslagða fingur því ekki var nokkur leið að vita hvort þetta héldi eða ekki ..... en auðvitað var það nú ekki þetta sem hrjáði okkur mest í þessu ralli. Eftir að hafa keyrt rétt um helming af fyrstu leiðar, tekið fram úr Ragnari og Steinari á Audi S2, þá komum við í lítinn poll sem var þó nógu stór til að við fengjum vatn í loftsíuna og komu upp gangtruflanir sem hægðu mikið á okkur en þetta jafnaði sig eftir að við vorum búnir stoppa stutta stund eftir klappirnar og héldum við aftur af stað en svo lentum við í að bleyta bílinn aftur síðar á leiðinni en þá þurftum við að stoppa mun lengur og svo bleyttum við hann í þriðja skiptið rétt áður en við beygðum inná Kleifarvatnið og fórum við því fretandi upp Sveifluhálsinn en efst í brekkunni var hann loksins til friðs og þar sem ekki voru neinir pollar á Kleifarvatninu gekk restin af leiðinni nokkuð vel. Við þetta allt saman vorum við að tapa 1:50 á Palla og Aðalstein og rétt um 3 mín á Fylkir og Elvar en ég tel að án þessara áfalla hefðum við verið á svipuðu reki og Fylkir og Elvar! Talandi um þetta stóra "EF". Seinni ferðin fór líka vel af stað og vorum við búnir að bæta okkur um 3 sekúndur miðað við fyrstu ferð á gatnamótunum á Ísólfsskála og Djúpavatni (Tryggvi M. Þórðar var að taka millitíma þar) og vorum við með 3ja besta tíma þar og aftur náðum við Audi en þó ekki fyrr en á Vigdísarvöllunum að þessu sinni en það kom nú samt ekki að gagni þar sem við drekktum bílnum í polli á klöppunum eftir Djúpavatnið og fórum ekkert lengra. En vá maður, hvað þetta var gaman á meðan bíllinn var ekki vatnshræddur.... vonandi get ég svo hent inná síðuna fljótlega myndum innan úr bílnum.

Mynd af vatnshræddum Subaru að drukkna ! Fórum ekki lengra...

 En þá að keppninni.

Sigurður Bragi og Ísak lögðu fyrstir af stað inná fyrst leið enda í forystu í Íslandsmótinu og því ljóst að allt stefndi í hörkuslag á milli þeirra og svo Péturs og Heimis en þeir voru ræstir á eftir þeim inná fyrstu leið og svo var stóra spurningin hvar Jón Bjarni og Borgar myndu enda í lok rallsins en Pétur og Heimir þurftu nauðsynlega að sigra þessa keppni og hafa Jón Bjarna og Borgar á milli sín til að komast upp fyrir Sigga og Ísak í stigakeppninni. Í stuttu máli þá gerðu Pétur og Heimir allt sem þeir gátu, sigruðu keppnina nokkuð örugglega en þar sem Jón Bjarni og Borgar duttu út með biliðan bíl á fyrstu leið þá var nóg fyrir Sigga Braga og Ísak að keyra varnarakstur enda enginn keppandi sem gæti blandað sér í slag þessara þriggja áhafna og með tryggt sér Íslandsmeistaratitilinn 2008 og eru þeir vel að honum komnir eftir öflugan og góðan akstur í ár.

En fleiri urðu Íslandsmeistarar ár. Í jeppaflokki voru þeir Guðmundur Snorri og Ingimar búnir að tryggja sér titilinn fyrir þessa lokakeppni en í nýliðaflokkinum og 2000 flokkinum slógust menn af hörku um tittla í þessari lokakeppni. Í báðum flokkum stóð slagurinn á milli þeirra Ólafs Inga og Sigurðar annars vegar og hins vegar Kjartans og Óla Þórs. Botninn fór úr þessum slag strax á fyrstu leið þegar Kjartan og Óli Þór lentu í vandræðum og töfum vegna bilaðs vökvastýris að Ólafur Ingi og Sigurður myndu tryggja sér báða tittlana að þessu sinni og eru þeir vel að þeim komnir.

Annars hafa ekki verið önnur eins afföll í ralli á Íslandi í mörg ár því að af 20 keppendum voru einungis 12 sem kláruðu þessa 70 km sem eknir voru á sérleiðum að þessu sinni og segir það allnokkuð um aðstæður að þessu sinni.

Íslandsmeistarar 2008

Sigurður Bragi Guðmundsson og Ísak Guðjónsson

 

Spánn - Shakedown

Hérna eru tímarnr úr shakedown fyrir Spánarrallið sem haldið verður um helgina.

1- Sébastien Loeb (Citroën C4 WRC), 1’11”5
2- Dani Sordo (Citroën C4 WRC), 1’11”9
3- François Duval (Ford Focus RS WRC 2008), 1’11”9
4- Chris Atkinson (Subaru Impreza WRC2008), 1’12”1
5- Petter Solberg (Subaru Impreza WRC2008), 1’12”1
6- Jari-Matti Latvala (Ford Focus RS WRC 2007), 1’12”9
7- Urmo Aava (Citroën C4 WRC), 1’12”9
8- Mads Ostberg (Subaru Impreza WRC 2007), 1’13”1
9- Matthew Wilson (Ford Focus RS WRC 2007), 1’13”2
10- Mikko Hirvonen (Ford Focus RS WRC 2008), 1’13”3

Haustrall - undirbúningur

Jæja, eftir að hafa látið hafa mig út þessa vitleysu eina ferðina enn þá var nokkuð ljóst hvað maður yrði að gera vikurnar fyrir rall en ljóst var að við þyrftum að lagfæra nokkur atriði í bílnum áður en við héldum af stað í keppni á honum. Skifta þurfti um fóðringar í afturfjöðrun, skifta um bremsuvökva, laga stýrisganginn, breyta loftinntakinu, smíða nýtt púst, skifta um "uppipe" ásamt pakkningum og skifta um þurkumótor. Að auki skiftum við stól hægrameginn í bílnum og létum gera við talkerfið í bílnum. Á þessu sést að það er nú alltaf þannig að það þarf að gera eitt og annað fyrir þessa bíla fyrir hverja keppni og var það eins nú.

Svo eftir skoðun í gærkvöldi var farið að prufa bílinn í fyrsta skipti á möl og kom þá í ljós smá verkefnalisti í viðbót fyrir kvöldið og því ljóst hvað maður gerir í kvöld

Annað sem kom aðeins skemmtilega á óvart var að þrátt fyrir að hafa ekki ekið rallbíl í 3 ár þá þurfti nú ekki margar beygjur til að maður væri farinn að skella bílnum inní beygjurnar með vinstri fótar bremsu og gamlir kækir farnir að taka sig upp aftur   .... bara gaman. Svo verður stóra spurningin á morgun hvort maður getur haldið uppi einhverjum hraða eða hvort maður verður bara upptekinn við að skemmta sér....... meira um þetta eftir rall á morgun.

 

Haustrall - rásröð.

Hérna er rásröð keppnisstjóra fyrir næstu keppni.

	#	Driver Ökumaður	Nat Þj	Co-driver Aðstoðarökumaður	Nat Þj	Nd	Grp G	Car Bifreið
1	3	Sigurður Bragi Guðmundsson	IS	Ísak Guðjónsson	IS		N	MMC Lancer Evo 7
2	7	Pétur S. Pétursson	IS	Heimir Jónsson	IS		N	MMC Lancer Evo 6
3	2	Jón Bjarni Hrólfsson	IS	Borgar Ólafsson	IS		N	MMC Lancer Evo 7
4	6	Fylkir A. Jónsson	IS	Elvar Jónsson	IS		N	Subaru Impreza STI
5	20	Páll Harðarson	IS	Aðalsteinn Símonarson	IS		N	Subaru Impreza STI
6	63	Ragnar Einarsson	IS	Steinar Sturluson	IS		N	Audi Quattro
7	64	Þorsteinn Páll Sverrisson	IS	Ragnar Sverrisson	IS		N	Subaru Impreza 22B
8	65	Garðar Þór Hilmarsson	IS	Jón Baldvin Jónsson	IS		N	Subaru Impreza WRX
9	5	Hilmar B. Þráinsson	IS	Kristinn V. Sveinsson	IS		J12	Jeep Cherokee
10	10	Sigurður Óli Gunnarsson	IS	Elsa Kristín Sigurðardóttir	IS		N	Toyota Celica GT4
11	12	Þórður Bragason	IS	Jón Sigurðsson	IS		X	Mazda 323 4x4 Turbo
12	15	Sigmundur V. Guðnason	IS	Úlfar Eysteinsson	IS		J12	MMC Pajero Sport
13	11	Jóhannes V. Gunnarsson	IS	Björgvin Benediktsson	IS		J12	Tomcat
14	67	Guðmundur S. Sigurðsson	IS	Guðleif Ósk Árnadóttir	IS		J12	MMC Pajero
15	28	Kjartan M. Kjartansson	IS	Ólafur Þór Ólafsson	IS		1600	Toyota Corolla
16	23	Henning Ólafsson	IS	Gylfi Guðmundsson	IS		1600	Toyota Corolla
17	29	Ólafur Ingi Ólafsson	IS	Sigurður R. Guðmundsson	IS		1600	Toyota Corolla
18	40	Magnús Þórðarson	IS	Bragi Þórðarson	IS		1600	Toyota Corolla
19	53	Júlíus Ævarsson	IS	Guðni Freyr Ómarsson	IS		1600	Suzuki Swift GTI
20	66	Jón V. Gestsson	IS	Birgir Kristjánsson	IS		2000	Opel Corsa

 

Colin McRae forest stages rally

Núna á laugardaginn fer fram ein af umferðunum í skosku meistarakeppninni og í gegnum árin hefur þetta rall verið kent við Colin McRae enda var hann þeirra aðal stuðningsaðili. Keppnin að þessu sinni verður mjög sérstök þar sem margar frægar kempur taka þátt til að heiðra minningu hans og er listinn yfir þá keppendur sem boðið var til þáttöku nánast eins og hvur er hvurs í rallýheiminum.

Þetta er hluti af keppendalistanum:

Alister McRae / Campbell Roy - Ford Escort Mk2
Jim McRae / Andy Richardson - Porsche 911
Bjorn Waldegaard / Pauline Gullick - Porsche 911
Hannu Mikkola / Nicky Grist - Ford Escort Mk2
Ari Vatanen / David Richards - Ford Escort Mk2
Stig Blomquist / Ana Goni - Ford Escort Mk2
Malcolm Wilson / Peter Martin - Ford Escort Mk2
Travis Pastrana / Derek Ringer - Ford Escort Mk1
Ken Block / Alex Gelsomino - Ford Escort Mk2
John Buffum / Lance Smith - Porsche 911
Kris Meeke / Gerry McVeigh - Ford Escort Mk2
Phil Collins / Derek Brannigan - Opel Ascona 400
Russell Brookes / Neil Wilson - Ford Escort Mk1
Louise Aitken-Walker / Edwin Cook - Talbot Sunbeam Lotus
Andrew Cowan / Ian Grindrod - Hillman Imp

Haustrall BÍKR

Þá er komið að lokaumferð íslandsmótsins í rallakstri. Keppnin fer fram 27. september næst komandi og verður ekið um sérleiðar á Reykjanesinu. Fjórar leiðar verða eknar og verður t.d ekið um Ísólfsskála, Djúpavatn og Kleifarvatn í einu lagi þ.e. sem eina sérleið en það held ég að hafi ekki verið gert áður og eru þessi leið 36,5 km! Eins og fyrr segir þá verða þetta einungis fjórar leiðar sem samtals verða eknir 117 km á sérleiðum í þessu ralli. Mikill hugur virðist vera í keppendum og eru margir keppendur skráðir til leiks í þessu ralli en slagurinn um íslandsmeistaratitilinn verður aðallega á milli Sigurðar Braga / Ísaks annars vegar og Péturs / Heimis hinsvegar. Ekki munar nema 3,5 stigum á þessum tveim áhöfnum en eins gætu Jón Bjarni / Borgar blandað sér í titilslaginn en þeir þurfa að sigra rallið og hinar tvær áhafnirnar þurfa að verða fyrir áföllum til að það takist en þeir eru 4 stigum á eftir Pétri / Heimi. Það er því ljóst að hörkuslagur verður milli þessara áhafna í þessu ralli og svo er aldrei að vita nema minni spámenn setji strik í reikninginn hjá þessum áhöfnum ef eitthvað kemur uppá hjá þeim.

 

 

 

 

 

 

Þessar 2 áhafnir munu slást um Íslandsmeistaratitilinn.

Subaru með 2 lið í WRC 2009

Subaru hefur tilkynnt að það verði með 2 lið í heimsmeistarakeppninni á næsta ári og feta þeir því spor Ford sem hefur verið með 2 lið síðustu ár. Hið nýja lið ber heitið ADAPTA world rally team en það eru norskir fjárfestar sem standa að baki þessu liði og mun það taka þátt í allvega 10 keppnum á næsta ári með möguleika á fjölgun ef aukið fjármagn fæst í verkefnið. Liðið mun gera út tvo Impreza WRC08 bíla en aðeins annar ökumaðurinn er þegar staðfestur en það er hinn tvítugi Mads Ostberg sem mun keyra annan bílinn en þessi ungi ökumaður er núverandi Noregsmeistari. Nokkur nöfn eru nefnd sem möguleiki á seinni bílinn en þar virðist sem nafn Hennings Solberg (bróður Petter Solbergs) sé nefnt alloft en einnig hefur nafn hins unga Andreas Mikkelsen verið nefnt en þykir samt ólíklegt.

 Mynd: Mads Ostberg - keppir fyrir Subaru lið á næsta ári.