Jón Bjarni og Borgar sigra Rally Reykjavík - Loeb tekur forystuna í WRC ofl.....

Loksins er maður kominn í tölvusamband til að setja niður línur um þetta rall sem ég reyndi eins og ég gat að fylgjast með frá veldi Margrétar Danadrottningar án þess að vera í netsambandi en Tryggvi keppnisstjóri á heiður fyrir að gefa sér tíma til að svala forvitni minni og svara endalausum símtölum

Þetta var víst hörkurall og fór af stað eins og menn væntu. Danni og Ásta tóku forystuna strax í byrjun og bættu við hana jafnt og þétt þar til að blindhæð á Næfurholtinu vildi ekki vera eins og nóturnar sögðu (eða bílstjórinn hugði) og sagði hægra afturhjólið að nóg væri komið af akstri um íslenska malarvegi. Jón Bjarni og Borgar tóku við það forystuna í rallinu en þeir voru þarna í hörkuslag við Sigga Braga / Ísak og Pétur / Heimi. Pétur og Heimir duttu út úr þessum toppslag eftir að þeir sprengdu 2 dekk á Hekluni og töpuðu við það 8 mínútum og urðu að sætta sig við þriðja sætið og jafnframt datt botninn úr toppslagnum við þetta þar sem það hentaði Sigga Braga og Ísak ágætlega að landa 2 sætinu og auka forystu sína í Íslandsmótinu og geta keyrt taktískt í haustrallinu. Fylkir og Elvar enduðu í fjórða sætinu og fylgja þar eftir góðum árangri í Skagafjarðarrallinu og verður gaman að sjá hvað þeir gera í haustrallinu. Alan Paramore mætti á Subaru bílnum þeirra Óskars Sól og Valtýrs en eftir að hafa sprengt dekk á fyrstu leið og tapað miklum tíma við að skipta um það þá áttu þeir aldrei séns og miðað við tíma þeirra þá áttu þeir kanski aldrei séns í þessu ralli.

Loeb sigraði bæði í Þýskalandi og Nýja Sjálandi, reyndar mjög óvænt á mölinni "down under" þar sem Ford leiddi 1-2 fyrir síðustu alvöruleið rallsins en þar féll Latvala úr leik og Hirvonen tapaði tíma með sprungnu dekki og endaði þriðji á eftir Sordo.

Næstu keppnir eru haustrall Bíkr og svo Spánar umferð WRC en sú keppni fer fram á malbiki og eins næsta keppni þar á eftir sem er Tour De Corse. Því má búast við að Loeb og Citroen auki forskot sitt bæði í stigakeppni ökumanna og framleiðenda í þessum næstu tveim keppnum.

Gamall hundur á ferð á ný....

Jæja þá verður ekki aftur snúið 

Búið er að taka ákvörðun um að ég mæti sem ökumaður í haustrallið. Þetta var nú eitthvað sem stóð ekki til en ég mæti með Ragga bróður í hægra sætinu og munum við fá Subaruinn hans Gumma Höskulds í verkefnið. 2 1/2 ár er síðan ég ók rallbíl síðast og verður fróðlegt að sjá hvort að maður kunni nokkuð að keyra ennþá ....... en vonandi fæ ég smá tækifæri til að prufa bílinn fyrir þessa keppni, svona aðeins til að venjast bensínlyktinni, þó ekki væri annað. Eitthvað smávegis þarf að lagfæra bílinn eftir Rally Reykjavík en Gummi fór mjög vel með hann, reyndar svo vel að þegar ég skoðaði bílinn í vikunni eftir rallið varð ég að spyrja hvort hann hefði ekki örugglega tekið þátt!! þeir lenntu í smá vandræðum sem töfðu þá aðeins í keppninni en nú verður því kippt í liðin og vonandi kemur bíllinn og eins ökumaðurinn til með að standa sig vel í þessari næstu keppni. Meira um þetta þegar nær dregur

 

Spreyti mig á þessum bíl síðar í mánuðinum !!

 

Kominn til landsins og eitthvað fer að birtast.....

Eftir langa fjarveru og mörg röll (Þýskaland, Rally Reykjavík og Nýja Sjáland) þá fer loksins eitthvað að birtast hérna á síðunni aftur.

Byrja á að henda inn hér mynd sem ég fann af Gumma Höskulds og Ragga í Rally Reykjavík en þessari mynd er samviskusamlega stolið eins og öðrum myndum á þessari síðu .

29. Rally Reykjavik 21. - 23. ágúst 2008

30 áhafnir eru skráðar til leiks að þessu sinni og af þeim eru 13 4x4 bílar með túrbó og alles! Þetta er einsdæmi í íslenskri rallsögu og verður gríðarlega gaman fyrir alla að fylgjast með þessar keppni og nokkuð ljóst að hart verður slegist um hvert einasta sæti í þessari keppni og sennilega mun meira að þessu sinni en nokkru sinni fyrr. Úrslit Íslandsmótsins gætu ráðist í þessari keppni en vonandi verður það ekki fyrr en í haustrallinu sem við fáum úrslit í eitt besta Íslandsmót sem haldið hefur verið í manna minnum. Þetta rall verður jafnframt fyrst rall Daníels og Ástu hérlendis í ár og verður gaman fyrir áhorfendur að sjá Daníel flengja þessari níu sinni um íslenska rallvegi.

Líklegustu áhafnirnar til að berjast um sigur í þessu ralli verða Daníel/Ásta á Lancer Evo9, Jón Bjarni/Borgar á Lancer Evo7, Sigurður Bragi/Ísak á Lancer Evo7 og svo Pétur/Heimir á Lancer Evo6. En þar sem þetta rall hefur aldeilis ekki alltaf unnist á því að keyra hraðast þá koma nokkrar aðra áhafnir inní myndina eins og Marian/Jón Þór á Lancer Evo5, Valdi/Ingi á Impreza WRX, Eyjólfur/Halldór á Impreza STI, Páll/Aðalsteinn á Impreza STI og kannski einnig þó langsótt sé þeir Jóhannes/Björgvin á Lancer Evo7 og Guðmundur/Ragnar á Impreza 22b ásamt því að Utting feðgar gætu gert kraftaverk þó ég hafi ekki mikla trú á því! Þessi upptalning sýnir svo ekki um villst að allt getur gerst og í svona löngu ralli er það eina sem er víst að eitthvað óvænt gerist...

Einnig verður hörkuslagur í jeppaflokki þar sem íslenski ökumenn takast á við rallýlið Elisabetar Englandsdrottningar en þar fara fremstir þeir Guðmundur/Ingimar á Pajero ásamt Sighvati/Úlfari sem einnig eru á Pajero. Fremstur meðal jafninga á Land Roverum hennar hátignar verður að vanda Alan Paramore sem hefur (ef mér telst rétt til) mestu reynsluna af þessu ralli af öllum áhöfnunum sem taka þátt þessu sinni. Vonandi mun eitthvað af þeim jeppum sem til eru hérna heima bætast í hópinn en mér telst til að það séu allvega 7 bílar sem eru til sem eru ekki skráðir í þetta rall.

Þetta rall getur einnig verið ráðandi bæði í nýliðaflokki og 2000 flokki og þar má búast við hörkuslag á milli Kjartans/Óla þórs á Corollu GT, Hennings/Gylfa á Corollu GT, Ólfs Inga/Sigurðar sem einnig eru á Corollu GT og svo þeirra bræðra Gunnars/Jóhanns á Ford Focus. Áhugavert verður að sjá hvort Guðmundur Orri/Guðmundur á Renault Clio klári þetta rall að það hefur aðeins vafist fyrir þeim að klára röll í sumar. Einn er sá ökumaður sem ég bíð aðeins spenntur eftir að sjá tímana hjá en það er hin 17 ára gamli Magnús Þórðarson sem hefur þegar tekið þátt í 3 keppnum í sumar en gaman verður að skoða tíma hans á lokadeginum ef hann og bíllinn þola fyrri dagana tvo sem á móti gefur honum aukinn tíma í bílnum og fleiri ekna kílómetra sem mun bara auka hraða hans og bæta tímana saman borið við aðra ökumenn í hans flokki.

Eftirfarandi áhafnir eru skráðar til leiks að þessu sinni:

Ökumaður	Aðstoðarökumaður	Bíll	Flokkun
Driver	Co-driver	Car
Wug Utting	Max Utting	Subaru Impreza STI N12b	N4
Guðmundur Snorri Sigurðsson	Ingimar Loftsson	Mitsubishi Pajero	J12
Sigurður Óli Gunnarsson	Elsa Kristín Sigurðardóttir	Toyota Celica GT4	N4
Ólafur Ingi Ólafsson	Sigurður Ragnar Guðlaugsson	Toyota Corolla GT	1600
Fylkir A. Jónsson	Elvar Jónsson	Subaru Impreza STI N8	N4
Guðmundur Orri Arnarson	Guðmundur Jón Hafsteinsson.	Renault Clio 1800 16V	2000
Pétur Sigurbjörn Pétursson	Heimir Snær Jónsson	Mitsubishi Lancer Evo 6	N4
Sighvatur Sigurðsson	Úlfar Eysteinsson	Mitsubishi Pajero Sport	J12
Valdimar Jón Sveinsson	Ingi Mar Jónsson	Subaru Impreza WRX	N4
Eyjólfur Jóhannsson	Halldór Gunnar Jónsson	Subaru Impreza STI 2,5	N4
Katarínus Jón Jónsson	Ingi Örn Kristjánsson	Tomcat TVR 100RS	J12
Einar Hafsteinn Árnason	Kristján Karl Meekosha	Nissan Sunny GTi	2000
Marian Sigurðsson	Jón Þór Jónsson	Mitsubishi Lancer Evo 5	N4
Júlíus Ævarsson	TBN	Suzuki Swift GTI	1600
Magnús Þórðarson	Guðni Freyr Ómarsson	Toyota Corolla GT	1600
Guðmundur Höskuldsson	Ragnar Sverrisson	Subaru Impreza 22B	N4
Daníel Sigurðarson	Ásta Sigurðardóttir	Mitsubishi Lancer Evo 9	N4
TBN - AFRT 1	TBN - AFRT 1	Land Rover Defender XD	J11
TBN - AFRT 2	TBN - AFRT 2	Land Rover Defender XD	J11
TBN - AFRT 3	TBN - AFRT 3	Land Rover Defender XD	J11
TBN - AFRT 4	TBN - AFRT 4	Land Rover Defender XD	J11
TBN - AFRT 5	TBN - AFRT 5	Land Rover Defender XD	J11
TBN - AFRT 6	TBN - AFRT 6	Land Rover Defender XD	J11
Gunnar Freyr Hafsteinsson	Jóhann Hafsteinn Hafsteinsson	Ford Focus	2000
Sigurður Bragi Guðmundsson	Ísak Guðjónsson	Mitsibishi Lancer EVO 7	N4
Jón Bjarni Hrólfsson	Borgar Ólafsson	Mitsubishi Lancer EVO 7	N4
Kjartan M Kjartansson	Ólafur Þór Ólafsson	Toyota Corolla 1600 GT	1600
Páll Harðarson	Aðalsteinn Símonarson	Subaru Impreza STI N12b	N4
Jóhannes V. Gunnarsson	Björgvin Benediktsson	Mitsubishi Lancer EVO 7	N4
Henning Ólafsson	Gylfi Guðmundsson	Toyota Corolla GT	1600

 

Svona fer nú alvöru service fram

 

ATH. Því miður verð ég ekki á landinu til að koma hér á framfæri nýjustu tímunum og fréttunum og mun ég reyna að skrifa hérna samantekt að loknu þessu ralli með öllum helstu fréttunum.  SP

1 stykki Subaru endurbyggður .... úffff

Síðustu vikurnar hafa farið mikið til í að endurbyggja eitt stykki Subaru Impreza bíl sem Guðmundur Höskuldsson keypti fyrr í vor af Valda kalda. Bíllinn var nú ekki alveg í því horfi sem menn væntu en það er nú bara eins og oft áður í þessum bransa. Því voru ermarnar brettar upp, bíllinn rifinn í spað og Gummi fenginn til að draga upp stóra veskið og byrjað að versla! 

Á innkaupalistanum var meðal annars: 6 gíra gírkassi úr STI bíl, kúpling, hjólalegur, bremsudælur, bremsudiskar, bremsuklossar, rótendar, Compomotive felgur, dekk, pústkerfi, kerti og kertaþræðir, allar mögulegar og ómögulegar síur, allar mögulegar og ómögulegar pakkdósir og ýmsilegt annað smálegt

Fjöðrunarkerfið og hjólastellið var tekið í frumeindir, yfirfarið og breitt til að fá betri virkni í það og einfalda alla þjónustu í keppnum en megnið af vinnunni hefur farið í að útfæra bílinn til að hann verði áreiðanlegri og því líklegur til að skila sér í gegnum keppni án stór áfalla (gamli twin cam fílingurinn, bara setja bensín á og keyra!). Yfirbygginginn þurfti einnig sína aðhlynningu enda Valdi farið hamförum á honum á meðan hann var í hans eigu en ekki verður farið í að fullklára yfirbygginguna fyrr en næsta vetur en þá reiknum við með að þurfa einnig að fínpússa nokkra hluti í þessum bíl.

Gummi mætir svo á þessum bíl í Rally Reykjavík sem haldið verður eftir 10 daga og er þetta einn af 13 fjórhjóladrifsbílunum sem verða í þeirri keppni en alls eru 29 áhafnir skráðar til leiks.

Fleiri myndir eru væntanlegar af yfirhalningunni innan tíðar hér á síðuna.

Loeb sigrar í Finnlandi

Með þessum 42. sigri sínum skráir Loeb sig enn einu sinni á spjöld sögunar því með að landa þessum sigri bætist hann í hóp fjögurra ökumanna sem hafa sigrað Finnska rallið sem ekki eru frá Finnlandi eða Svíþjóð! Hinir 3 ökumennirnir eru Carloz Sainz (1990), Didier Auriol (1992) og Marrko Martin (2003). Eftir þennan sigur eru það bara tvær keppnir sem hann hefur ekki unnið en þær eru Jordanía og Bretland.

Þetta var samt hörkuslagur og þrátt fyrir að Loeb virtist alltaf hafa yfirhöndina þá var Hirvonen aldrei langt undan og í lok keppninar munaði ekki nema 9 sekúndum á þessu tveimur aðilum eftir rúma 300 km á sérleiðum en það jafnar sig út með 0,03 sekúndur í mun á hvern ekinn kílómeter !! Í mínum huga er samt tveir aðrir ökumenn sem standa upp úr eftir þessa keppni. Annar þeirra er Chris Atkinson sem tryggði sér þriðja sætið með hörku akstri og hinn er ungur finni sem heitir Matti Rantanen sem endaði í 7. sæti en þetta er fyrst WRC keppni hans á WRC bíl og slær hann við fullt af ökumönnum sem hafa miklu meiri reynslu og betri bíla.

Í fjórða sæti varð spánverjinn ungi Dani Sordo og var hann einungis 1 sekúndu frá þriðja sætinu fyrir lokadaginn sem sýnir að hann hefur heldur betur bætt í á mölinni en fram að þessu hefur hann einna helst verið sérfræðingur í malbiks akstri sem aftur nýtist honum vel um komandi helgi í Þýskalandi. Fimmti varð Norðmaðurinn Henning Solberg og náði hann að vera á undan litla bróður honum Petter Solberg sem endaði sjötti en ekki fyrr en eftir að hafa reynt allt sem hann gat til að ná fram fyrir stóra bróður sinn en einungis munaði 6,4 sekúndum á þeim bræðrum í lokin. Sjöundi varð áður nefndur Matti Ratanen sem keyrði í þessari keppni á Ford Focus WRC 06 en hann hlaut einnig "Abu Dhabi spirit of the rally award" og að lokum kom Toni Gardemeister á Suzuki í síðasta stigasætið í þessari keppni en það hefur honum ekki tekist oft á þessu ári.

Finnland taldi jafnframt í P-wrc og J-wrc og var það finninn Juhan Hanninen sem sigraði í P-wrc og ungverjinn Martin Prokopsem sigraði í J-wrc. Hanninen keppir á Mitsubishi en Prokop keppir á Citroen C2. 

Lokastaðan í Finnlandi:

1.		Sébastien LOEB          Citroen C4 WRC	2:54:05.5		0.0
2.		Mikko HIRVONEN         Ford Focus WRC07	2:54:14.5		+9.0
3.		Chris ATKINSON          Subaru Impreza WRC08	2:57:22.5		+3:17.0
4.		Dani SORDO                Citroen C4 WRC	2:57:36.4		+3:30.9
5.		Henning SOLBERG       Ford Focus WRC07	2:58:03.2		+3:57.7
6.		Petter SOLBERG          Subaru Impreza WRC08	2:58:09.6		+4:04.1
7.		Matti RANTANEN          Ford Focus WRC06	3:00:16.6		+6:11.1
8.		Toni GARDEMEISTER    Suzuki SX4 WRC	3:02:24.2		+8:18.7
9.		Matthew WILSON        Ford Focus WRC07	3:02:42.8		+8:37.3
10.		Conrad RAUTENBACH  Citroen C4 WRC	3:04:36.4		+10:30.9

Finnland

Svona er staðan eftir fyrstu 4 leiðarnar í Finnlandi. Loeb leiðir en næstur honum er Hirvonen en Latvala krassaði á annari leið en það virðist sem það hafi brotnað stýrisendi hjá honum rétt fyrir jump en Latvala hélt að hann væri bara með sprungið dekk og sló því lítið af með þessum líka svaka afleiðingum og verður hann allvega ekki meira með fyrr en á morgun. Þriðji er eistlendingurinn Urmo Aava en hann ekur fyrir einkalið en þeir njóta samt aðstoðar frá Citoen Sport við reksturinn á þessum Citroen C4 bíl. Subaru menn virðist vanta örlítið meiri hraða en það vonandi skánar eftir því sem líður á rallið. Suzuki menn eru rétt fyrir utan topp 10 og verður einnig fróðlegt að sjá hvað þeir gera þegar líður á daginn. Meira um þetta síðar í dag 

1.	1	Sébastien LOEB	22:20.6	0.0	0.0
2.	3	Mikko HIRVONEN	22:24.5	+3.9	+3.9
3.	15	Urmo AAVA	22:37.5	+13.0	+16.9
4.	2	Dani SORDO	22:39.2	+1.7	+18.6
5.	19	Andreas MIKKELSEN	22:41.0	+1.8	+20.4
6.	7	Gigi GALLI	22:43.3	+2.3	+22.7
7.	6	Chris ATKINSON	22:45.5	+2.2	+24.9
8.	8	Henning SOLBERG	22:46.0	+0.5	+25.4
9.	5	Petter SOLBERG	22:49.2	+3.2	+28.6
10.	17	Mads ÖSTBERG	23:03.2	+14.0	+42.6
11.	11	Toni GARDEMEISTER	23:05.6	+2.4	+45.0
12.	12	Per-Gunnar ANDERSSON	23:22.9	+17.3	+1:02.3

Slúður og með því

Hérna er nokkrir slúður punktar sem ég hef heyrt af á síðustu dögum:

1. Alan Paramore er víst á leiðinni til landsins með alvöru bíl og nú skal tekið á því og þetta blessaða Rally Reykjvík unnið með stæl. Bíllinn er víst af gerðinni Subaru Impreza og er "full house" grúbbu N bíll með öllu sem til þarf og verður ekki um neitt annað að ræða en sigur í þessu ralli.

2. Guðmundur Höskuldsson er víst á leið í Rally Reykjavík, einnig á Subaru Impreza en þessi bíll hefur verið á heilsuhæli síðan í mai og er víst við mun betri heilsu nú en oft endranær. Ekki er samt stefnt á heimsmeistaratitil en Guðmundur veit hvað þarf til að ná góðum árangri í Rally Reykjavík. Ekki er alveg ljóst hver verður í hægra sætinu.

3. Heyrst hefur að ný áhöfn líti dagsins ljós í haustrallinu og komi til með að aka á Subaru Impreza bíl og full ástæða fyrir topp áhafnirnar að fara að vara sig ......

p.s. hvað er með alla þessa Subaru bíla núna þegar allt er vaðandi í Mitsubishi í Íslandsmótinu?

Finland shakedown

Bræðurnir Petter og Henning Solberg eru jafnir með besta tíma eftir shakedown í Finlandi núna í morgun en innan við 1,1 sekúnda aðskilur 6 fyrstu bílana. Þetta gefur kanski ekki rétta mynd af rallinu en það verður fróðlegt að sjá hvernig staðan verður í lok morgundagsins!

=1. Henning Solberg: 2:03.6
=1. Petter Solberg: 2:03.6
=3. Loeb: 2:04.2
=3. Galli: 2:04.2
=5. Mikkelsen: 2:04.7
=5. Gardemeister: 2:04.7
7. Atkinson: 2:04.9
8. Latvala: 2:05.0
9. Aava: 2:05.2
10. Wilson: 2:05.6
11. Hirvonen: 2:05.8
=12. Sordo: 2:06.2
=12. Ostberg: 2:06.2

Rally Finland 8. umferð

Um næstu helgi fer WRC sirkusinn af stað aftur eftir nokkura vikna hlé og hafa keppnisliðin verið á fullu að undirbúa seinni hluta mótsins en alls eru 7 umferðir eftir og því getur allt gerst enn. Mikko Hirvonen (Ford) leiðir keppni ökumanna núna um miðbik ársins með 59 stig Sebastian Loeb (Citroen) er með 56 stig í öðru sæti. Þriðji er svo liðsfélagi Hirvonen hjá Ford, Jari-Matti Latvala en hann er einungis með 34 stig eftir hratt en brösugt gengi það sem liðið er að árinu. Næstu menn á eftir honum eru Chris Atkinson (Subaru) með 31 stig og Dani Sordo (Citroen) með 30 stig.

Mikill fjöldi keppenda er skráður í þessa keppni en þetta er eina keppni ársins sem bæði telur í P-WRC og J-WRC ásamt því að margir keppendur sem vilja sanna sig mæta einnig en því er haldið fram meðal annars af stjórnendum keppnisliðanna að það það skipti öllu máli að menn geti sýnt að þeir hafi kjark og getu til að halda uppi þeim hraða sem þarf í þessari keppni, minna máli skifti hvort menn klári eða ekki, það sé hægt að kenna þeim það síðar...  Í þessari keppni telst mér til að það séu 23 wrc bílar sem eru skráðir, 44 N grúbbu 4x4 bílar og 21 S1600 bíll auk annara keppenda en alls eru 114 keppendur skráðir í þessa keppni.

Fyrirfram er reiknað með að Finnannir hjá Ford liðinu munu vera fljótastir í finsku malarvegunum en ekki er hægt að reikna með að Loeb muni vera tilbúinn að gefa neitt eftir og verður hann örugglega í hörkuslag við þá í þessari keppni. Af þessum 7 umferðum sem eftir eru þá eru 3 á malbiki en síðustu ár hefur Sebastian Loeb verið ósigrandi á malbiki en bæði Hirvonen og Latvala hafa verið í þjálfun í malbiksakstri hjá þekktum "Touring car" ökumönnum til að bæta árangur sinn og að reyna að stoppa þessa sigurgöngu hjá Loeb á malbikinu enda getur það ráðið úrslitum um hver verður heimsmeistari á þessu ári þar sem ekki er mikill munur á milli manna.

Subaru mætir nú með 2008 bílinn í sína þriðju keppni en eftir að hafa einbeitt sér að því fyrstu tveimur keppnunum að hafa bíllinn áreiðanlegan þá eru þeir núna að vinna í því að auka hraðann og verður afar forvitnilegt að sjá hvað þessi bíll gerir á vegunum í Finnlandi því að ef hann er ekki samkeppnisfær þar þá er hægt að gleyma því að hann verði það viku síðar á malbikinu í Þýskalandi! Suzuki mætir einnig með mikið endurbættan bíl þar sem áherslan hefur verið lögð á að létta bílinn og auka áreiðanleika en það hefur vantað töluvert uppá áreiðanleikan hjá þeim á fyrrihluta ársins og virðist sem vökvakerfið hafi aðallega verið að stríða þeim en það hefur mikil áhrif gírkassann og gírskiptingar og hafa þeirra ökumenn þeir Toni Gardemeister og P-G Anderson bæði verið að tapa miklum tíma út af þessu og eins verið að detta útúr keppnum. Vonandi fer maður að sjá Suzuki menn skila sér í endamarkið og eins verður forvitnilegt að sjá hvaða tíma þeir verða að taka á endurbættum bíl.